|
حال ہی میں پرتگال کے صحرا میں انسان نما ایک ایسی
پراسرار مخلوق دیکھی گئی ہے جس نے لوگوں کو خوف میں مبتلا کردیا ہے- مختصر
سے ویڈیو کلپ میں اس پراسرار مخلوق کو لمبی ٹانگوں اور جھکے ہوئے سر کے
ساتھ صحرا سے گزرتے ہوئے دیکھا جاسکتا ہے-
|
|
|
اس پراسرار مخلوق کے اردگرد بالکل خاموشی ریکارڈ کی گئی ہے تاہم اسے زیادہ
دیر تک نہیں دیکھا جاسکا کیونکہ یہ جلد ہی جھاڑیوں میں غائب ہوگئی تھی-
اس ویڈیو کو تقریباً ایک ماہ قبل انٹرنیٹ پر شئیر کیا گیا ہے اور اب تک اسے
2 لاکھ افراد دیکھ چکے ہیں- تاہم انٹرنیٹ پر اس ویڈیو کے حوالے سے ملی جلی
رائے سامنے آئی ہے اور اکثر صارفین کا کہنا ہے کہ یہ کوئی جانور بھی ہوسکتا
ہے-
|
|
|
|
اس کے علاوہ صارفین کی ایک بڑی تعداد کی جانب سے اس ویڈیو کو جعلی بھی قرار
دیا گیا ہے کیونکہ ان کا کہنا ہے کہ ایسا ممکن ہی نہیں کہ آج کے دور میں
کسی چیز کی صاف تصویر حاصل نہ کی جاسکے جبکہ اس ویڈیو کا معیار بدترین ہے-
|
|
|