ملائیشیا کی خوبصورت مساجد٬ اسلام سے محبت کا منہ بولتا ثبوت

ملائیشیا کی تقریباً 65 فیصد آبادی مسلمانوں پر مشتمل ہے- مختلف انداز و اطوار کی ثقافتوں کا مالک ملائیشیا ان سیاحوں کے نزدیک جنت نظیر ہے جو یہاں کی خوبصورتی کے دلدادہ ہیں- تاہم ایک حقیقت یہ بھی ہے کہ ملائیشیا ایسے بڑے دل رکھنے والے افراد پر بھی مشتمل ہے جن کے دلوں میں اسلام کی محبت بھری ہوئی ہے- اور اسی محبت کی جھلک ہمیں ملائیشیا بھر میں تعمیر مختلف خوبصورت اور حسین و جمیل مساجد میں دکھائی دیتی ہے-
 

National Mosque of Malaysia
یہ مسجد کولالمپور میں واقع ہے- اس مسجد میں ایک وقت میں 15 ہزار افراد نماز ادا کرسکتے ہیں- یہ مسجد 13 ایکڑ کے رقبے پر پھیلی ہوئی ہے اور اس حسین و جمیل مسجد میں ایک خوبصورت گارڈن بھی تعمیر کیا گیا ہے-

Zahir Mosque
یہ ملائیشیا کی ایک قدیم ترین مسجد ہے اور اس مسجد کا شمار ملائیشیا کی وسیع رقبے پر پھیلی مساجد میں بھی ہوتا ہے- یہ خوبصورت مسجد 1912 میں تعمیر کی گئی تھی اور اسے سلطان محمد جیوا زین العابدین نے ڈیزائن کیا تھا-

Sultan Salahuddin Abdul Aziz Mosque
سلطان صلاح الدین عبدالعزیز مسجد ملائیشیا کی ریاست Selangor میں واقع ہے- یہ ملائیشیا کی سب سے بڑی جبکہ جنوبی ایشیا کی دوسری بڑی مسجد ہے- اس مسجد میں ایک وقت 24 ہزار افراد نماز ادا کر سکتے ہیں- اس مسجد کی تعمیر کا آغاز 1982 میں کیا گیا جبکہ اس کی تکمیل 11 مارچ 1988 کو ہوئی-

Jamek Mosque
یہ کولا لمپور کی قدیم ترین مسجد ہے- اس مسجد کی تعمیر 1909 میں کی گئی تھی- یہ مسجد ایسے مقام پر واقع ہے جہاں دریائے Klang اور دریائے Gombak کا ملاپ ہوتا ہے- اس مسجد کو Arthur Benison Hubback نے ڈیزائن کیا تھا-

Sultan Sulaiman Mosque
سلطان سلیمان مسجد ملائیشیا کی ریاست Selangor کی شاہی مسجد ہے- یہ مسجد 1930 کی ابتدا میں برطانوی دور میں تعمیر کی گئی تھی- اسی وجہ سے اس مسجد کی تعمیر میں مغربی اور طرزِ تعمیرات کی جھلک دکھائی دیتی ہے-

Kampung Laut Mosque
یہ ملائیشیا کی ایسی قدیم ترین مسجد ہے جو آج بھی اپنی اصلی حالت میں موجود ہے- اس مسجد کی تاریخ 17ویں اور 18ویں صدی سے جاملتی ہے- منفرد طرزِ تعمیر کی حامل یہ مسجد ملائیشیا کے علاقے Jalan Kuala میں واقع ہے-

Penang State Mosque
اس مسجد کا شمار ملائیشیا کی خوبصورت ترین مساجد میں ہوتا ہے- ملائیشیا کے علاقے Penang میں واقع یہ مسجد کی تعمیر کا آغاز 1977 میں ہوا جبکہ اس کی تکمیل 1980 میں ہوئی-