|
نارتھ یاکشائر کے علاقے Knaresborough میں واقع دریائے
Nidd کے قریب ایک ایسا کنواں پایا جاتا ہے جو ہر شے کو پتھر میں تبدیل کر
کے رکھ دیتا ہے- چند ماہ میں ہی اس کنویں سے مسلسل گرتے پانی کے راستے میں
آنے والے مردہ پرندے٬ لکڑیاں اور پتوں سمیت متعدد اشیا کو پتھر میں تبدیل
ہوجاتے ہیں-
|
|
|
|
گزشتہ صدیوں سے یہاں کے مقامی افراد کا ماننا ہے کہ یہ ایک شیطانی کنواں ہے
اور اس یقین کی وجہ اس کنویں کا کسی دیوقامت کھوپڑی کی مانند دکھائی دینا
ہے- یہ لوگ مستقل ایک خوف میں مبتلا رہتے ہیں اور انہیں لگتا ہے کہ اگر
کنویں کا پانی انہیں لگا تو وہ بھی پتھر کے بن جائیں گے-
ایڈونچر کے شوقین افراد روزانہ اس کنویں کے پاس کچھ نہ کچھ چھوڑ جاتے ہیں
جس کا مقصد اس تبدیلی کا مشاہد کرنا ہوتا ہے- حال ہی میں کچھ لوگوں نے یہاں
ٹیڈی بئیر٬ کیتلی اور سائیکل وغیرہ چھوڑی اور اس کا نتیجہ بھی وہی نکلا
یعنی یہ تمام اشیا پتھر کی بن گئیں-
|
|
|
دلچسپ بات یہ ہے کہ تاریخ اس کنویں کو اپنی اس جادوئی صلاحیت کے حوالے سے
کوئی مقبولیت حاصل نہیں تھی بلکہ لوگ اسے ایک شفا بخش کنویں کے حوالے سے
جانتے تھے- لوگوں کا خیال تھا کہ اس کنویں کے پانی سے مختلف بیماریوں سے
جان چھوٹ جاتی ہے- اور یہاں لوگ غسل کیا کرتے تھے-
لیکن جب اس کنویں نے مختلف اشیا کو پتھر میں تبدیل کرنا شروع کردیا تو
لوگوں نے نہانے وغیرہ کے لیے یہاں آنا چھوڑ دیا اور آج یہ کنواں اپنی اس
جادوئی خصوصیت کی بنا پر ایک مقبول ترین سیاحتی مقام بن چکا ہے-
|
|
|
سائنسدانوں نے اس پانی کے نمونے حاصل کیے ہیں اور اپنے تجربات کی روشنی میں
ماہرین کا کہنا ہے کہ “ اس پانی میں بہت زیادہ معدنیات پائی جاتے ہیں اور
انہی معدنیات کی تہہ آس پاس کی چیزوں پر چڑھ جاتی ہے- جس کے بعد یہ تہہ ایک
سخت ترین خول میں تبدیل ہوجاتی ہے- تاہم یہ پانی پینے کے قابل نہیں ہے اور
ایسا ہرگز کرنے کی کوشش بھی نہ کی جائے“-
|
|
|
یہاں آنے والے سیاح کنویں کے گرد لٹکتی متعدد ایسی اشیا کا نظارہ کرتے ہیں
جو پتھر میں تبدیل ہوچکی ہیں اور یہ اشیا مختلف وقتوں میں یہاں آنے والے
لوگوں نے لٹکائی ہیں- |