چینی باس نے وہ کیا جو کوئی سوچ بھی نہیں سکتا

یوں تو چینی پہلے ہی ہر شعبے میں چھائے ہوئے تھے اور اب اپنے ملازمین کو خوش کرنے کے معاملے میں بھی چینی دیگر اقوام سے دو قدم آگے نکل گئے ہیں- جی ہاں چین سے تعلق رکھنے والی ایک کمپنی کی جانب سے کمپنی خرچ پر 6400 ملازمین کو سیر و تفریح کے لیے فرانس روانہ کیا گیا-

چینی کمپنی کے باس لی جن یوآن نے اپنے ملازمین کو اس تفریح کے لیے چار دن کی چھٹیاں فراہم کی ہیں جس دوران یہ ملازمین کمپنی کے اخراجات پر ہی فرانس کی سیر کریں گے-

یہ سیاحتی گروپ اب تک فرانس جانے والا سب سے بڑا گروپ ہے جو گزشتہ روز فرانس کے سیاحتی مقام نیس پہنچا ہے۔

اس گروپ کے لیے کیننز اور موناکو میں 4700 سے زائد کمرے جبکہ پیرس میں 140 ہوٹل بک کروائے ہیں۔

یہ چینی ملازمین اپنے سیاحتی دورے کے دوران مشہور عجائب گھر ’لوو میوزیم‘ جانے کے علاوہ فرانس کا مشہور ثقافتی شو مولان روژ بھی دیکھیں گے۔ عجائب گھر کی سیر کے دوران ان ملازمین کے علاوہ کسی دوسرے شخص کو داخلے کی اجازت نہیں دی جائے گی-