|
پاکستان کے صوبہ پنجاب کے شہر بہاولپور میں شمسی توانائی
سے بجلی پیدا کرنے کے ملک کے سب سے پہلے اور بڑے منصوبے کا افتتاح کردیا
گیا ہے۔
شمسی توانائی کے اس منصوبے کے پہلے مرحلے میں وزیراعظم نواز شریف نے
بہاولپور میں قائد اعظم سولر پارک کا افتتاح کیا، جس کے ساتھ ہی نیشنل گرڈ
اسٹیشن کو 100 میگا واٹ بجلی حاصل ہونا شروع ہو گئی۔ اور مستقبل میں 100
میگاواٹ کو بڑھا کر بتدریج 1000 میگاواٹ تک کیا جائے گا-
|
|
|
|
شمسی توانائی سے بجلی کی پیداوار کے اس منصوبے کا آغاز پنجاب حکومت نے چین
کے تعاون سے کیا ہے- تقریباً پندرہ ارب روپے کی لاگت سے مکمل ہونے والے اس
منصوبے پر گیارہ ماہ کا عرصہ لگا-
مرحلہ وار اس منصوبے میں اگلے دو برسوں کے دوران نو سو میگا واٹ بجلی شمسی
توانائی سے حاصل کی جائے گی جبکہ اس کے لیے نئی ٹرانسمیشن لائنز اور نئے
گرڈ سٹیشن تعمیر کیے جا رہے ہیں۔
|
|
|
اس منصوبے کی افتتاحی تقریب کے موقع پر وزیراعظم نواز شریف کا کہنا تھا کہ
سال 2018 تک ملک سے میں لوڈ شیڈنگ کا مکمل خاتمہ ہو جائے گا اور ساتھ ہی
تقریر میں انہوں نے چینی تعاون کا بھی شکریہ ادا کیا۔ |