|
شاید ہی کوئی انٹرنیٹ یوزر ایسا ہو جس نے اس پیارے بچے کی
یہ منفرد تصویر نہ دیکھ رکھی ہو- گزشتہ چند سالوں میں اس تصویر نے سوشل
میڈیا پر بےپناہ مقبولیت حاصل کی- لیکن اب یہ تصویر کسی کی جان بچانے کے
کام آرہی ہے-
|
|
|
|
یہ تصویر سیم گرائنر کی ہے جو 2007 میں اس کی والدہ لینے گرائنر نے امریکی
ریاست فلوریڈا کے ساحل سمندر پر کھینچی تھی اور اس وقت سیم صرف 11 ماہ کا
تھا۔
تاہم یہ بچہ اب 8 سال کا ہوچکا ہے اور افسوسناک بات یہ ہے کہ اس بچے کے 39
سالہ والد جسٹن گرائنر کے گردے ناکارہ ہوچکے ہیں اور ان کے علاج کے لیے
فنڈز اکٹھے کیے جارہے ہیں اور یہ فنڈز سیم کی اس مقبول ترین تصویر کی مدد
سے اکٹھے کیے جارہے ہیں-
یہ فنڈز سیم کے والد کا کڈنی ٹرانسپلانٹ کا آپریشن ان کا مہنگا ترین علاج
جاری رکھنے کا ذریعہ بن سکیں گے۔
سیم کی والدہ کا کہنا ہے کہ وہ کبھی بھی اپنے بیٹے کی شہرت کو رقم کے حصول
کے لیے استعمال نہ کرنا چاہتی تھی لیکن اب یہ ان کی مجبوری بن گئی ہے
کیونکہ ان کے خاوند گزشتہ چھ سالوں سے ڈائلسز کے سہارے زندہ ہیں اور اب ان
کی حالت تشویشناک ہوچکی ہے-
|
|
|
سیم کی اس شہرت یافتہ تصویر کی ذریعے گو فنڈ می نامی ویب سائٹ پر سیم کے
والد کے گردوں کے ٹرانسپلانٹ کے لئے فنڈ ریزنگ کا آغاز کیا گیا جس کے بعد
سیم کے مداحوں کی جانب سے بے پناہ تعاون حاصل ہوا۔ اور منگل کے روز تک 38
ہزار ڈالر سے زائد کی رقم جمع بھی کی جاچکی ہے جبکہ علاج کے لیے 75 ہزار
ڈالر درکار ہیں-
سیم کی والدہ اپنے بیٹے کی مذکورہ تصویر کے حوالے سے بتاتی ہیں کہ انہوں نے
سیم کی یہ تصویر عین اس وقت کھینچی تھی جب وہ مٹھی میں ریت بھر کر اپنے منہ
میں ڈالنے ہی والا تھا- |