گزشتہ ماہ انٹرنیٹ کی دنیا میں ایک لباس کی تصویر نے اس
وقت تہلکہ مچا دیا تھا جب اس کے رنگ کے حوالے سے سوال کیا گیا تھا- مذکورہ
لباس کا رنگ کسی کو سنہرا تو کسی کو کالا دکھائی دیتا تھا لیکن اب ایک بلی
کی تصویر نے دوبارہ ایک نئی بحث کو جنم دیا ہے-
پہلی نظر میں اس بلیک اینڈ وائٹ تصویر میں موجود بلی کو دیکھنے پر ایسا
معلوم ہوتا ہے کہ جیسے بلی سیڑھیاں چڑھتی ہوئی اوپر آرہی ہے- لیکن اگر
تصویر کو دوبارہ دیکھا جائے تو ایسا محسوس ہوتا ہے کہ جیسے بلی اوپر کی چڑھ
نہیں رہی بلکہ نیچے اتر رہی ہے-
|
|
بلی کے نیچے اترنے کا دعویٰ کرنے والے افراد سیڑھیوں کے کناروں اور بلی کے
عقب میں موجود روشنی پر غور کرنے کو کہتے ہیں- اور اگر اس زاویے سے غور کیا
جائے تو واقعی یہ لگتا ہے کہ بلی سیڑھیوں سے اتر رہی ہے-
یہ تصویر 9gag نامی ویب سائٹ پر پوسٹ کی گئی ہے اور اب تک اس پر تقریباً
ساڑھے تین ہزار تبصرے کیے جاچکے ہیں جبکہ متعدد افراد نے تصویر کی وضاحت پر
مبنی ایک ویڈیو بھی دیکھی ہے-
|