|
بھارت کے علاقے کرناٹکا کے ایک مشہور سیاستدان اور مقامی
جماعت کے سربراہ نے دو گدھوں کو محنتی جانور قرار دیتے ہوئے ان کی سخت محنت،
ڈسپلن، تابعداری اور وفاداری پر ایوارڈ سے نوازا ہے۔ اور بات یہی ختم نہیں
بلکہ یہ سیاستدان مستقبل میں دیگر جانوروں کو بھی ایوارڈ سے نوازنے کا
ارادہ رکھتے ہیں-
|
|
|
|
بھارتی سیاستدان واتل نگراج جو کہ چلوولی واتل پکشا کے صدر ہیں کا کہنا ہے
کہ میں نے گدھوں، کتوں، گائے، بھینسوں جیسے مقامی جانوروں کو اعزاز دینے کا
فیصلہ کیا ہے اور میرے نزدیک یہ جانور انسانوں سے زیادہ وفادار، محنتی،
ڈسپلن اور تابعدار ہوتے ہیں۔
ایوارڈ کی یہ تقریب شہر کے وسط میں ہوئی واقع بس اسٹیشن پر منعقد ہوئی جہاں
نگراج نے دو گدھوں کو راجیوت سوا ایوارڈ سے نوازا۔ اور اس موقع پر عوام کی
بڑی تعداد بھی موجود تھی۔
ایوارڈ کی تقریب کے موقع پر گدھوں کو خوب سجایا گیا جس کے بعد نگراج نے
انہیں رنگ برنگے موتیوں کی مالا اور شال پہنائی اور لوگوں نے پھولوں کی
پتیاں نچھاور کی۔
|
|
|
نگراج کا کہنا تھا کہ گائے کی عبادت اور جانوروں کا خیال رکھنا ہماری
شاندار روایت اور ثقافت کا حصہ ہے۔ انہوں نے کہا کہ میں جانوروں کی ہمارے
لیے خدمات کے اعتراف میں انہیں ہر سال اعزاز دوں گا۔ |