|
ٹرانسپیرنسی انٹرنیشنل نے مختلف ممالک میں ہونے والی
کرپشن اور بدعنوانی کے حوالے سے کی گئی درجہ بندی کی نئی فہرست جاری کردی
ہے- ٹرانسپیرنسی انٹرنیشنل کی رواں سال کی جاری کردہ فہرست کے مطابق
پاکستان کے درجے میں ایک پوائنٹ کی بہتری آئی ہے۔
|
|
|
|
نئی فہرست میں پاکستان نے 29 پوائنٹس حاصل کیے ہیں اور وہ 126 ویں نمبر پر
ہے جبکہ دوسری جانب بھارت کی درجہ بندی میں بھی رواں سال بہتری آئی ہے اور
اب وہ 38 پوائنٹس کے ساتھ 85ویں نمبر پر ہے۔
اس فہرست میں کہا گیا ہے کہ اقتدار کا غلط استعمال، خفیہ سودے اور رشوت
خوری عالمی سطح پر معاشروں کو برباد کر رہے ہیں۔
ٹرانسپیرنسی انٹرنیشنل کی فہرست کے مطابق جنوبی ایشیا میں افغانستان کی
حالت بدترین قرار دی گئی ہے جسے میں 12 پوائنٹس ملے ہیں اور وہ 172 ویں
پوزیشن پر ہے۔
رواں سال کی فہرست میں صومالیہ اور شمالی کوریا آخری نمبر پر ہیں۔
ٹرانسپیرنسی انٹرنیشنل کی رواں سال کی فہرست کے مطابق ڈنمارک پہلے نمبر پر
نیوزی لینڈ اور فن لینڈ بالترتیب دوسرے اور تیسرے نمبر پر ہیں۔
|
|
|
ٹرانسپیرنسی انٹرنیشنل کا کہنا ہے کہ اگر کوئی ملک 100 پوائنٹس حاصل کرنے
میں کامیاب ہوجاتا ہے تو اسے بدعنوانی سے پاک تصور کیا جاتا ہے اور اگر
کوئی ملک ایک بھی پوائنٹ حاصل نہیں کرتا تو اس کی حالت انتہائی بدترین ہے۔
سال 2014 کی رپورٹ کے مطابق 175 ممالک میں سے دو تہائی اب بھی 50 پوائنٹس
سے نیچے ہیں۔ |