|
دنیا کی سب سے معمر ترین بلی پوپی کی 24 برس کی عمر میں
موت واقع ہو گئی ہے۔
فروری 1990 میں پیدا ہونے والی اس بلی کی عمر کو گنیز بک آف ورلڈ ریکارڈ نے
سرکاری طور پر مئی میں تسلیم کیا۔
|
|
|
|
پوپی کی رہائش اپنی مالکن جیکی اور ان کے دو بیٹوں کے ساتھ برطانیہ کے
جنوبی ساحلی علاقے بورن متھ میں تھی۔
پوپی کی مالکن جیکی کا کہناہے ’ہمیں معلوم ہے پوپی بوڑھی ہو چکی تھی لیکن
پھر بھی یہ سب کچھ ہماری لے انتہائی تکلیف دہ ہے۔ گذشتہ ہفتے پوپی بہت
بیمار رہی، اسے اینٹی بائیوٹکس دی جا رہی تھیں لیکن بدھ کو اسے پانی کے
باعث انفیکشن ہو گیا اور ساتھ ہی اس کی پچھلی ٹانگیں ناکارہ ہو گئیں۔‘
جیکی مزید بتاتی ہیں کہ ’پوپی جمعے کو دوپہر ساڑھے تین بجے چل بسی۔ میں نے
وہ سارا دن اس کے ساتھ گزارا۔‘
ماہرین کے مطابق بلیوں کی عمر عموماً 15 برس تک ہوتی ہے۔ جبکہ بلی کی عمر
کے پہلے دو برس انسانی عمر کے 25 برس کے برابر ہوتے ہیں۔ اس کے بعد ہر تین
ماہ ایک برس کے برابر۔ اس نظریے کے مطابق پوپی کی عمر 114 برس تھی۔
|
|
|
اس سے قبل دنیا کی سب سے معمر ترین بلی ہونے کا اعزاز ٹیکسس کی ’کریم پف‘
کے پاس تھا اور اس کی عمر 38 برس تھی۔ |