|
کاروباری اکھاڑے میں مسابقت نے اشیاء وخدمات کے استعمال
کرنے والوں کیلئے بہت سے فوائد جنم دیئے ہیں کیونکہ مسابقت کی بدولت چاہے
کوئی فرم منوفیکچرنگ کے شعبے سے وابستہ ہو یا ٹیکنالوجی کی انڈسٹری سے ایک
دوسرے سے سبقت حاصل کرنے کیلئے اپنی اشیاء و خدمات میں نئی نئی تبدیلیاں
متعارف کرواتی رہتی ہیں جس کے نتیجے میں عام صارف اس سے زیادہ استفادہ حاصل
کرسکتا ہے۔
|
|
|
|
ٹیکنالوجی کی دنیا کا سب سے بڑا نام مائیکروسوفٹ بھی اس سے مستثنٰی نہیں ہے
اور لگ رہا ہے کہ مائیکرو سوفٹ نے بھی ونڈو فون سسٹم گاڑیوں کے لئے متعارف
کروانے پر اپنی توجہ مرکوز کرلی ہے ۔
آج نیوز کی رپورٹ کے مطابق گزشتہ ہفتے منعقدہ ایک نمائش میں مائیکروسوفٹ نے
ونڈو ان کار کا آئیڈیا پیش کیا تھا جس کے ذریعے ونڈو کے یوزر اسکو اپنی
گاڑی کے ڈیش بورڈ پر بھی استعمال کرسکیں گے جبکہ ونڈو ان کار سسٹم کے تحت
نہ صرف کوئی شخص اپنے ای میل چیک کرسکتا ہے بلکہ میسج اور کال سمیت اپنی
گاڑی کی سیٹنگ بھی چیک کرسکتا ہے۔
|
|
|
مائیکروسوفٹ کی طرف سے یہ سروس مرر لنک ٹیکنالوجی کے ذریعے مہیا کی جارہی
ہے ۔اس آئیڈیے کی کامیابی کے امکانات زیادہ اس وجہ سے بھی نظر آرہے ہیں کہ
اس کو ولکس ویگن ،ہونڈا ،ٹویوٹا اور سیڑون جیسی معروف کمپنیوں نے اس میں
دلچسپی کا اظہار کیا ہے جبکہ اس آئیڈیئے کا تجربہ پہلے ہی گاڑیوں پر شروع
کردیا گیا ہے تاہم ابھی تک کمپنی کی طرف سے یہ نہیں بتایا گیا کہ کب یہ
ٹیکنالوجی استعمال کیلئے متعارف کروائی جاسکے گی ۔ |