جادوئی انگوٹھی٬ صرف ایک اشارے پر سب کچھ ممکن

آپ نے اکثر فلموں میں دیکھا یا پھر قصے کہانیوں میں ایسی جادوئی انگوٹھی کے بارے میں تو ضرور پڑھا ہوگا جسے پہنتے ہی تمام مسائل حل ہوجاتے ہیں اور پہننے والے کو غیر معمولی طاقتیں حاصل ہوجاتی ہیں- لیکن یہ انگوٹھی اب کسی حد تک حقیقت کا روپ دھار چکی ہے٬ جس کے ذریعے آپ صرف انگلی کے اشارے پر بہت کچھ کنٹرول کرسکیں گے-

اس وقت مارکیٹ ایسی اسمارٹ انگوٹھیاں ( smart rings ) تو دستیاب ہیں جو وقت سے آگاہ کرنے اور اسمارٹ فون کے نوٹیفکیشن دکھانے کی خصوصیات سے آراستہ ہیں لیکن جلد ہی اب ایک ایسی اسمارٹ رنگ یا انگوٹھی بھی متعارف کرائی جانے والی ہے جس کے ذریعے آپ ہر وہ چیز کنٹرول کرسکیں گے جو آپ سوچیں گے-
 

یہ پہنی جانے والی جدید ٹیکنالوجی سے مزین انگوٹھی صرف آپ کی انگلی کے اشارے پر کام کرے گی- اور آپ اس کے ذریعے تمام اسمارٹ گھریلو اشیاﺀ٬ اپلیکیشنز یہاں تک کہ رقم کی ادائیگی بھی آپ کی انگلی کے کے ایک اشارے پر ممکن ہوگی-

مثال کے طور پر جب ہوا میں لفافے کا ڈیزائن بنائیں گے تو ای میل اوپن ہوجائے گی٬ کیمرہ ڈیزائن کرنے پر فون کے ساتھ منسلک کیمرہ اوپن ہوجائے گا یا میوزیکل نوٹ ڈیزائن کرنے پر میوزک شروع ہوجائے گا-

اس انگوٹھی کی ایک خصوصیت یہ بھی ہے کہ آپ اس کے ذریعے ٹیکسٹ میسچ بھی لکھ سکتے ہیں صرف ہوا میں انگلی چلا اپنا پیغام لکھیے تمام پیغام موبائل اسکرین پر نمایاں ہوجائے گا-

یہ جدید انگوٹھی Logbar نامی کمپنی نے تخلیق کی ہے اور اس کمپنی کے چیف ایگزیکٹو
Takuro Yoshida کو امید ہے کہ وہ اس انگوٹھی کو جولائی میں فروخت کے لیے پیش کرنے میں کامیاب ہوجائیں گے-