|
اب تک آپ بجلی سے چلنے والی یا پھر شمسی توانائی سے چلنے
والی کار کے بارے میں پڑھتے آئیں ہوں گے لیکن آج ہم آپ کو ایک ایسی انوکھی
کار کے بارے میں بتائیں گے جس کا انجن صرف ہوا کی طاقت سے
چلتا ہے-
ہوا کی طاقت سے چلنے والے انجن سے لیس اور لیگو سے بنی یہ کار آپ آسٹریلوی
شہر ملبورن کی سڑکوں پر دکھائی دے سکتی ہے-
|
|
|
|
اس کار کی تیاری میں ایک آسٹریلوی تاجر اور رومینیا کے ایک تکنیکشن نے اپنا
کردار ادا کیا ہے، اور اس کو 500000 لیگو پیسز کی مدد سے بنایا گیا ہے
اس کار میں 20 کلومیٹر فی گھنٹہ تک کی رفتار تک پہنچنے کی صلاحیت موجود ہے
جبکہ کار کی تیاری کے لیے مالی امداد عام لوگوں کی جانب سے کی گئی- اس کار
کی تیاری پر 11200 پاؤنڈ کی لاگت آئی-
کار میں ہوا کے زور پر چلنے والے چار انجن نصب ہیں اور ان انجن میں 256
پسٹن موجود ہیں۔ دلچسپ بات یہ ہے کہ کار میں سوائے پہیوں کے تمام چیزیں
لیگو بلاکس سے بنائی گئی ہیں۔
اس کار کے شریک موجد سٹیو سمارٹینو کا کہنا ہے نہ مجھے گاڑیوں کا شوق ہے
اور نہ ہی لیگو کا٬ میں صرف ٹیکنالوجی کا شوقین ہوں-
|
|
|
“میرا اس گاڑی کو ایجاد کرنے کا مقصد صرف یہ تھا کہ ذہین نوجوانوں عوام کی
مالی امداد سے کیا کیا ممکن بناسکتے ہیں۔
ان کا یہ بھی کہنا ہے کہ “ یہ دلچسپ سوچ رومینیا کے ایک 20 سالہ نوجوان کی
تھی جس سے میری ملاقات انٹرنیٹ پر ہوئی تھی٬ لیکن میرے اتنی رقم موجود نہیں
تھی کہ یہ تجربہ میں خود کرسکوں“-
“ پھر اس نے ٹوئیٹ کیا کوئی ایک نایاب اور زبردست پروجیکٹ میں سرمایہ کاری
کرنا چاہتا ہے؟- اور پھر 40 آسٹریلوی شہریوں نے امداد کی حامی بھرلی اور
یوں پروجیکٹ کا آغاز کردیا گیا“-
سمارٹینو کا یہ بھی کہنا ہے کہ “ یہ دنیا کی پہلی ماحول دوست سامان سے تیار
کردہ کار ہے اور ایک ماحول دوست نظریے کا ثبوت بھی“-
|
|
|
اس کار کی تکمیل میں 18 ماہ کا عرصہ لگا اور اسے رومینیا میں تیار کر کے
آسٹریلیا بھیجا گیا اور وہاں اس کے متعدد حصوں کو دوبارہ جوڑنا پڑا۔
مؤجد کا یہ بھی کہنا ہے کہ اس کا انجن انتہائی نازک ہے اور سب سے بڑا خوف
یہ ہے کہ کہیں اس کے پھٹنے سے ایک لیگو بلاکس کا دھماکہ نہ ہو جائے۔
اسی کام کی وجہ سے انگلیوں میں پیدا ہونے والے درد کے باعث سمارٹینو فی
الحال ایسی مزید گاڑیاں نہیں بنانے کا ارادہ نہیں رکھتے۔ |
|
|
|
|