برساتی جزیرہ انعام میں حاصل کریں

آپ نے اکثر انعام کے طور پر یا پھر قرعہ اندازی کی صورت میں ملنے والے پلاٹ کے بارے میں تو سنا ہوگا لیکن کیا کبھی یہ سنا ہے کہ پورے کا پورا جزیرہ ہی بطور انعام دیا جار رہا ہے؟- اگر نہیں تو یہ رپورٹ پڑھ لیجیے-

دی نیوز ٹرائب کی رپورٹ کے مطابق سام سنگ کمپنی اب دینے لگی ہے آپ کو ایک پورا جزیرہ تحفے میں، مگر اس کے لئے ایک صحرائی جزیرے پر دو ہفتے تک رہنا ہوگا اور آپ کے پاس سام سنگ گلیکسی کیمرہ فون کے علاوہ کچھ نہیں ہوگا-

سام سنگ کے مطابق دنیا بھر سے 16 امیدوار اس رئیلٹی شو مقابلے ایس او ایس آئی لینڈ میں شریک ہوسکیں گے-

بتایا گیا ہے کہ ہر وہ شخص جس کے پاس پاسپورٹ ہو اور وہ 30 ستمبر سے 18 اکتوبر تک امریکا کے سفر کے لیے دستیاب ہو اور اس کی عمر 18 سال یا اس سے زائد ہو وہ اس مقابلے میں اپنا نام لکھوا سکتا ہے-

سام سنگ کے بقول کیا آپ ایک برساتی جزیرے میں صرف اسمارٹ فون کے ساتھ رہ سکتے ہیں٬ اگر ہاں تو یہ آپ کا دعوت نامہ ہے-

مقابلے میں کامیابی کے لیے امیدواروں کو جزیرے میں لی گئی تصاویر کو سام سنگ کیمرے کے فیس بک پیج پر شئیر کرنا پڑے گا اور زیادہ ووٹ لینے والا ایک لاکھ ڈالر مالیت کے جزیرے کا مالک قرار پائے گا-

< Previous خاتون نے شارک کی درگت بنا ڈالی NEXT > پاکستان کی پہلی 'موبائل عدالت' کا آغاز