قطب شمالی کے آخری شہر ترومسو میں رمضان

دھند سے ڈھکے ہوئے پہاڑوں کے درمیان قطب شمالی کے لیے مہماتی سفر کی روانگی کے لیے آخری شہر ترومسو (Tromso) کی کل آباد 67000نفوس پر مشتمل ہے۔ یہ شہر اپنے محل وقوع کے اعتبار سے شمال میں سب سے آخری یونیورسٹی، نباتاتی باغ، پروٹسٹنٹ چرچ اور سمفونی آرکسٹرا کے لیے مشہور ہے۔ ایک صدی قبل نارویجئین ہیرو رونالڈ ایمنڈسن نے اسی شہر سے قطب جنوبی تک کے سفر کا آغاز کیا تھا۔

ترومسو سرکل سے 350 کلومیٹر دور اس شہر کی ایک خصوصیت اور بھی ہے کہ یہاں شمال کی سب سے آخری مسجد النور بھی واقع ہے۔ ترومسو میں شمالی افریقہ، مشرقی وسطیٰ اور پاکستان سے تعلق رکھنے والے تقریباً 1000 مسلمان قیام پذیر ہیں۔ ترومسو میں مسلمان مہاجرین 1968ء سے آنا شروع ہوئے تھے۔ آج بھی سیاسی پناہ گزینوں میں صومالیہ، اریٹیریا اور افغان مہاجرین اپنے بارے میں فیصلوں کے منتظر ہیں۔
 

جب آپ النور مسجد میں داخل ہوں گے تو استقبالیہ پر آپ کا سامنا مسکراتی ہوئی حکیمہ منبرور سے ہوگا۔ وہ اب بھی اپنے خیالوں میں مسکرانے لگتی ہے جب اسے پہلی مرتبہ ترومسو سے واسطہ پڑنا یاد آتا ہے۔ اس کی شادی مراکو میں مقیم ایک نارویجیئن مسلمان محمد سے ہوئی تھی۔ شادی کے بعد یورپ میں قیام کرنا اس کے لیے کسی سنہرے خواب سے کم نہ تھا۔

وہ کہتی ہے جب میں اپریل 1979ء میں ناروے آئی تو ڈھائی میٹر برف کی تہہ میری منتظر تھی۔ یہ تھا میرے خوابوں کے شہر میں میرا استقبال۔ حکیمہ کا اگلے چند مہینوں میں دوسری حیرتوں سے بھی واسطہ پڑنا تھا۔ مارچ سے ستمبر تک ترومسو کے دن رات کی طوالت یکساں رہتی ہے لیکن 20 مئی سے 22 جولائی تک سورج مسلسل آسمان پر چمکتا رہتا ہے۔

اس لیے کہ ترومسو خورشید نیم شب (Midnight sun)کے علاقے میں واقع ہے۔ 25 نومبر سے 21 جنوری تک سورج اُفق سے بالکل غائب رہتا ہے یعنی یہاں مسلسل رات یوم بلا خورشید (Polar Nights)کا سماں رہتا ہے۔