لوگوں کے مشورہ سے حضرت خالد بن
الولید رضی اللہ تعالٰی عنہ جھنڈے کے علمبردار بنے۔ اور اس قدر شجاعت اور
بہادری کے ساتھ لڑے کہ نو تلواریں ٹوٹ ٹوٹ کر ان کے ساتھ سے گر پڑیں۔ اور
اپنی جنگی مہارت اور کمال ہنر مندی سے اسلامی فوج کو دشمنوں کے نرغہ سے
نکال لائے۔ (بخاری ج2 ص 611 غزوہء موتہ)
اس جنگ میں جو بارہ معزز صحابہ کرام شہید ہوئے ان کے مقدس نام یہ ہیں۔
1۔ حضرت زید بن حارثہ
2۔ حضرت جعفر بن ابی طالب
3۔ حضرت عبداللہ بن رواحہ
4۔ حضرت مسعود بن اوس
5۔ حضرت وہب بن سعد
6۔ حضرت عباد بن قیس
7۔ حضرت حارث بن نعمان
8۔ حضرت سراقہ بن عمر
9۔ حضرت ابو کلیب بن عمر
10۔ حضرت جابر بن عمر
11۔ عمر بن سعد
12۔ ہوبجہ ضبی
(رضی اللہ تعالٰی عنہم اجمعین)
اسلامی لشکر نے بہت سے کفار کو قتل کیا اور کچھ مال غنیمت بھی حاصل کیا اور
سلامتی کے ساتھ مدینہ واپس آ گئے۔ |