|
|
آج کل کے بچوں کو پیدا ہوتے ہی اسمارٹ فون اور انٹرنیٹ
سے واسطہ پڑتا ہے اور وقت کے ساتھ ساتھ وہ انٹرنیٹ کے اس حد تک عادی ہو
جاتے ہیں کہ ان کا اس کے بغیر ایک پل کے لیے بھی گزارا ہونا مشکل ہو جاتا
ہے- |
|
بچوں کی انٹرنیٹ کے حوالے سے یہ ایڈیکشن صرف ہمارے ملک
کا مسئلہ نہیں ہے بلکہ دنیا بھر کے والدین بچوں کے اور موبائل کے اس تعلق
سے پریشان ہیں جس نے ان کی راتوں کی نیندیں اڑا کر رکھ دی ہیں- |
|
یہی وجہ ہے کہ چین میں حکومت نے بچوں کے موبائل فون اور
انٹرنیٹ کے استعمال کے اوقات کار مقرر کر دیے ہیں جس کے مطابق دن بھر میں
ایک گھنٹے سے زيادہ کوئی بچہ انٹرنیٹ استعمال نہیں کر سکے گا- |
|
|
|
اس حوالے سے ایک واقعہ فرانس میں پش آیا جس کے بارے میں
جان کر والدین کے اور بچوں کے درمیان ہونے والے انٹرنیٹ اور موبائل کے
استعمال کے تنازعے کی شدت کو جان سکتے ہیں- تفصیلات کے مطابق فرانس کے جنوب
مغربی قصبے میسانگے اور اس کے قریبی رہائشی علاقوں میں گزشتہ کئی ہفتوں سے
آدھی رات سے صبح کے اوقات کے دوران انٹرنیٹ کے بند ہونے کی شکایات سامنے
آرہی تھیں- |
|
اس شکایت کو دور کرنے والی ایک موبائل کمپنی نے اس علاقے
میں موجود اپنے اینٹینا کو چیک کیا تو ان پر انکشاف ہوا کہ سگنل جیمر کی
مدد سے سگنل کو بلاک کیا گیا ہے- جب انہوں نے آلات کی مدد سے چیک کیا تو ان
کو پتہ چلا کہ سگنل کو بلاک کرنے والا جیمر اسی علاقے میں موجود ایک گھر سے
آپریٹ کیا جا رہا ہے- |
|
جب انہوں نے اس گھر والوں سے معلومات کی تو وہاں موجود
شخص کا کہنا تھا کہ وہ رات میں اپنے بـچوں کو انٹرنیٹ سے دور رکھنے اور
موبائل کے استعمال کو روکنے کے لیے جیمر کا استعمال کرتا ہے تاکہ کرونا لاک
ڈاؤن کے سبب ان کے بچے جو موبائل اور سوشل میڈیا ایپس کے استعمال کی جس
ایڈکشن کا شکار ہو چکے ہیں انہیں اس سے روکا جا سکے- |
|
اس سے اس کا یہ خیال تھا کہ وہ صرف اپنے گھر کے سگنلز کو
بلاک کر رہا ہے مگر اس قسم کی ڈيوائس جن کو فروخت کرنے والی کمپنیاں ان کی
تشہیر کرتے ہوئے ان کی دائرہ کار کے محدود ہونے کا دعویٰ کرتی ہیں- لیکن
حقیقت میں یہ آلات وسیع پیمانے پر موبائل اور انٹرنیٹ کے سگنل کو جام کر
دیتے ہیں- |
|
|
|
میڈیا میں اس شخص کی شناخت کو ظاہر نہ کرتے ہوئے بتایا
گیا ہے کہ اس کا یہ عمل جس کے سبب موبائل اور انٹرنیٹ دو قصبوں میں رات بھر
جام رہے قانوناً جرم ہے اور اس کی سزا چھ ماہ قید کے ساتھ 30 ہزار یورو کا
جرمانہ بھی ہے- |
|
اس سارے واقعہ سے یہ سبق ملتا ہے کہ آج کل کے دور میں
اپنے بچوں کو موبائل اور انٹرنیٹ سے دور رکھنے کی سزا بھی چھ ماہ قید ہو
سکتی ہے اس وجہ سے احتیاط ضروری ہے- |