بھارت کا وہ کون سا کرکٹر ہے جس نے بھارت کے خلاف جاکر پاکستان کے لئے کرکٹ کھیلی؟

بھارت کے مشہور زمانہ بلے باز سچن ٹنڈولکر کہتے ہیں کہ انھوں نے بھارت کے لئے باقاعدہ کرکٹ کھیلنے سے دو سال قبل پاکستان کے لئے بھارت کی مخالفت میں کرکٹ کھیلی تھی۔ سچن نے اپنی سوانح عمری “ Playing It My Way میں انکشاف کیا کہ “مجھے نہیں پتہ کہ عمران خان کو یاد ہے یا نہیں لیکن میں ایک بار ان کی پاکستانی ٹیم کے ساتھ کھیلنے کے لئے پیدان میں اترا تھا“

تب پاکستانی ٹیم کے کپتان عمران خان تھے

بہت کم لوگ اس دلچسپ حقیقت سے آگاہ ہیں کہ بھارت کے مشہور بلے باز سچن ٹنڈولکر نے 1987 میں بھارت کے خلاف ممبئی کے برابورن اسٹیڈیئم میں پاکستان کے لئے فیلڈنگ کرکے اپنے انٹرنیشنل کریئر کا آغاز کیا تھا۔ اس وقت پاکستانی ٹیم کے کپتان، پاکستان کے موجودہ وزیرِاعظم عمران خان تھے

سچن ٹنڈولکر کہتے ہیں کہ دراصل دوپہر کے کھانے کے وقفے میں جاوید میانداد اور عبدالقدیر اسٹیڈیئم سے چلے گئے تھے اس لئے اسٹینڈ بائے فیلڈر ہونے کی وجہ سے سچن کو وزیٹنگ ٹیم کے لئے کھیلنے کے لئے کہا گیا تھا۔

کپل دیو آؤٹ ہونے ہی والے تھے مگر۔۔۔

سچن نے یہ بھی بتایا کہ میچ کے دوران وہ بھارتی کرکٹر کپل دیو کو تقریباً آؤٹ کرنے ہی والے تھے لیکن کافی لمبا فاصلہ ہونے کی وجہ سے وہ گیند پکڑ نہیں سکے۔ سچن کے مطابق انھیں لانگ آن کے بجائے مڈ آن میں رکھا جاتا تو وہ پاکستان کے لئے بہت اچھا کھیل سکتے تھے۔