Aakhir Tumhay Jana Tha
(Syed Kifayat Ullah Hashmi, rawalpindi)
(Ye Column Main Ne Nawaz
Shrif K Hukumat Se Alag Ho Janay K Bad Likha Tha Magar Mujay Isay Publish Krne
Main Dair Ho Gai .)
Aakhir Tumhay Jana Tha
Bus Zara Dair Lgi Ha
Ye Sher Main Ne Mr.Musharraf K Lye Bnaya Hai.Aakhir Kar Musharaf Ne Resign Kar
Hi Dia.Or Mere Khayal Main Ye Pakistani Awam Ki Boht Bari Kamyabi Hai K Aik
Aamir Jo 9 Saal Tak Hum Par Musallat Raha Humari Us Se Jan Chut Gai.Musharraf
Sahab Ko Apne Uper Fakhar Ha K Uno Ne Mulk O Qom Ki 9 Saal Tak Khidmat Ki Or Pta
Nahi Kaise 18 August Ko Un Ko ''Mulk O Qom Ka Waseeh Tar Mafad'' Yaad Agaya.
Jaisa B Ho Aakhir Mush Chala To Gaya.Main To Kya Puri Pakistani Qom Ye Bat
Samajti Hai K Unho Ne 9 Saal Tk Pakistan Ko Tabahi K Mor Par La Khara Kia Tha Wo
To Rab E Karim Ka Karam Ha K Hum Tabahi Se Buch Gaye.Aik Lamhay K Lye Hum Ne
Maan Lia K Unho Ne 09 Saal Mulk Ki Khidmat Ki Ha Magar Is Khidmat Ko Sur Anjaam
Dene K Lye Unho Ne Jo Rasta Apnaya Wo To Qanooni Nahi Tha Phir Un Ki Khidmat Is
Kam Ki???
Agar Un Ko Mulk Ki Khidmat Karne Ka Itna Hi Shoq Tha To Wo Qanooni Tariqa B Apna
Sktay Thay. Unho Ne Kya Aik Jamhuri Hukumat Ko Gira K Mulk Ki Khidmat Ki ?Foj Ko
Unho Ne Budnam Kia Pakistani Qom K Sar Sharrm Se Jhuka Diye Hmari Qom K Muqaddas
Baitay Or Betio Ko Dollar K Lye Baich Dia.
Ye Khidmat Ki Hai Unho Ne Hmare Lye? 9 Saal Tak Ye Khidmat Ki Ha K Aj Hum
America Ki Kisi Bat Se Ikhtilaf Nahi Kr Sktay
Hmare Tribal Areas K Log Bombs Or Rockets K Nishanay Par Hain ..
Aye Roz Khud Kush Hamlo Ne Pakitani Qom Ka Sakon Barbaad Krdia Hai Abhi Thursday
Ko Hi Wah Cantt Main Suicide Attacks Hoye Hain Jin Main Atleast 100 Log Shaheed
Ho Gaye. Ye Sub Kis Ki Policies Ki Wja Se Hoa Jawab Sub Jantay Hain K Musharraf
Ki Wja Se ... Aj Pakistan Ka Bacha Bacha Ye Kehne Se Khof Nahi Khata K Mush Ne
Pakistan Ko Jitna Faida Dia Hoga Wo To Aatay Main Namak K Brabar Ha Lekin Jitna
Nuqsaan Ponchaya Ha Us Ka Azala Aaj Hum Burdasht Kr Rhay Hain .Jine Zulm
Pakistani Qom Burdasht Kr Rhi Hai Us K Hisaab Parliament Main Na Shi Magar Us K
Darbaar Main Zrur Lain Gay Jis K Smanay Sub Brabar Hain Or Jo Sub Se Supreem Ha
Aj Halat Is Qadar Kharab Hain K Mush K Jane K Bad Bi Mujay Judges Ki Bahali
Mukammal Tor Par Nazar Nahi Aati .Main Ne Pehle B Apne Coulumn Main Likha Tha K
Asif Zardari Apne Bachao K Lye C.J Iftikhar Chaudhry Ki Bahali Nahi Chahtay.Or
Wahi Hoa Jis Ka Dar Tha K Nawaz Sharif Ne Hukumat Se Alehdgi Ikhtiar Krli Or
Mere Khayal Mai Ye Bilkul Durust Kia Hai .Ppp Se Ye Tuwaqqo Nahi Ki Jaskti K Wo
Judges Ko Bahaal Kray Gi Or Mujay Ye Hota Nazar Nahi Aata.Ab To Asif Zardari Ne
Bhi President Ka Election Jeet Lia Ha Unko Chahiye K Ab Bhi C.J Ko Bahaal Kr
Dain.
Pakistan Ki Tareekh K 61 Saal Main Pehli Dafa Aala Adlia K Judges Ne Dastoor Or
Qanoon K Mutabiq Faisle Krnay Ki Himmat Ki Hai .Unho Ne Kisi Bhi Dictator K Agay
Jhukne Se Inkar Krdia Tha Jis Ka Sara Cradit C.J Ko Jata Hai Jinke Aik ''Na'' Se
Judges Main Hosla Paida Hoa.Aj Zrurat Is Bat Ki Hai K Judges Ko Foran Bahal Krna
Chahiye Or Dusri Sub Se Ehem Bat K Apni Forign Policy O Mazbut Bnana Hai Hmay
Kisi Se Darnay Ki Zrurat Nahi Ha Chahay Wo Indian Ho Ya U.S.A.
Pakistnai Qom Ka Dusra Ehem Masla Mehngai Hai .Aj Gharib Ko Do Waqt Ki Roti
Muskil Se Naseeb Ho Rahi Hai Hukmarano Ko Is Maslay Par Khas Tawjja Deni
Chahiye.Agar Kisi Mulk Ki Imdad Chahiye To Kitnay Hmaray Brother Islami Mumalik
Hain Jin S E Madad Li Ja Skti Hai In Main U.A.E Ha Saudia Arabia Ha Iran Ha
Uzbekistan Ha Tajikistan Hai Qatar Hai Egypt Ha Syria Ha Turkey Ha Aazar Baijan
Hai.Ye Sub Pakistan K Bohot Achay Dost Hain Or Qudrat Ne In Mumalik Ko Har Dolat
Se Nawaza Hai.Pkistani Hukumat Ko Kisi Ghair Muslim Mulk Se Madad Nahi Leni
Chahiye.Hukumat Ko Jis Field Main Madad Chahiye To Wo In Mumalik Se Bhi Apni
Matluba Madad Maang Skti Ha.
Aakhir Main ALLAH Se Dua Hai K Pakistan K Halat Theek Ho Jaye ( Ameen)
Khuda Kray Meri Arz E Pak Par Utray
Wo Fasl E Gul Jise Andesha E Zawal Na Ho