بھارتی کرکٹ ٹیم نے انگلینڈ کے خلاف کھیلے جانے والے میچ
میں نئی وردی پہنی جس میں نیلے رنگ کی بجائے نارنگی رنگ نمایاں دکھائی دیا۔
|
|
بھارت کی نئی کٹ یونیسیف کی مہم کے توسط سے پہنی گئی ہے جس کے لیے
OneDay4Children# کا ہیش ٹیگ استعمال کیا گیا ہے۔
پہلے بات کرتے ہیں کہ بھارتی ٹیم کی جرسی کیوں تبدیل ہوئی؟ روزنامہ خبریں
کے مطابق اس کا جواب ہے کہ آئی سی سی قوانین کے مطابق ہر ٹیم کو ایونٹ سے
قبل دو جرسیوں کا انتخاب کرنا ہوتا ہے لیکن ایونٹ کی میزبان ٹیم اس قانون
سے بری الذمہ ہوتی ہے۔
یعنی ایسی ٹیمیں جن کی جرسیوں میں ایک جیسا رنگ نمایاں ہوتا ہے تو انہیں
متبادل وردی کا انتخاب بھی کرنا ہوتا ہے، اس لیے بھارت اور انگلینڈ کی
وردیوں میں نیلا رنگ نمایاں ہے اور آئی سی سی قانون کے مطابق بھارت کو نئی
وردی پہننا پڑی، اور انگلینڈ میزبان ٹیم ہے تو وہ پرانی وردی ہی پہنی۔
بھارتی ٹیم کی نئی جرسی میں نارنگی رنگ نمایاں ہونے پر بھارت میں نئی بحث
شروع ہوگئی ہے، بعض حلقے اسے وزیراعظم نریندر مودی کی جماعت سے مشابہہ قرار
دے رہے ہیں، یہی نہیں سوشل میڈیا پر بھی ٹیم کی نئی وردی پر شدید تنقید کی
جارہی ہے۔
|
|
بھارتی کپتان ویرات کوہلی کی جانب سے نئی جرسی میں شیئر کی گئی تصویر پر
ایک ٹوئٹر صارف نے تبصرہ کیا کہ پیٹرول پمپ پر ملازمت کرنے والے لگ رہے ہیں۔
ونے کمار نامی ٹوئٹر صارف نے لکھا کہ پیٹرول کی آج قیمت کیا ہے، جس پر کرن
نامی صارف نے جواب دیا کہ ہماری ٹیم کے لیے یہ جرسی ڈیزائن کرنے کا آئیڈیا
کس کا تھا؟ ٹیم اس سے اچھی جرسی کی مستحق تھی۔
|