Islami Jamhoriya Pakistan Aik
Mukammal Mumlikat Ko Zahir Karta Hay. Pakistan K Wajood Men Islami Asooloo'n K
Tayhat Jamhoriyat Nafiz Ho Ta K Deeni Or Duniyavi Saray Kaam Bakhoobi Saranjaam
Diye Ja Sake'n. Yun Keh Lijeye K Pakistan Wajood Hay To Islaam Rooh Or
Jamhoriyat Dil.
Magar Haqeqat Is K Baraks Hay. Islam Bara-E-Naam Hay, Jamhoriyat Ka Janaza Nikal
Chuka Hay. Lay Day K Pakistan Ka Wajood Bacha Hay Jisay Bhi Tornay Ki Sazishe'n
Ki Ja Rahi Hen. Aiye Islami Jamhoriya Pakistan Ka Aik Mukhtasir Jaiza Laytay
Hen.
Waisay To Pakistan Men Raej Har Nizam Naqis Hay. Magar Zakat Ka Nizam Siray Say
Hi Munazim Nahi. Yun Lagta Hay K Zakat Daynay Ka Koi Concept Raha Hi Nahi.
Hamaray Yahan Ye Sawallat To Bohot Uthtay Hen K Fallan K Pass Itni Jaidad Hay.
Fallan Nay Itna Tax Nahi Diya. Govt. Nay Itna Tax Lagaya, Kitna Wasool Hua? Or
Kitna Kahan Gaya. Magar Zakat Ka Kabhi Hisab Kitab Nahi Lagaya Gaya.K Zakkat
Kahan Say Ai, Kitni Ai, Kitni Ani Chaiye Thi. Mustahiq Logoon Ko Mili Bhi Ya
Nahi. Pakistan Men Awal To Log Zakat Daytay Hi Nahi. Or Ager Koi Day Dayta Hay
To Wo Mustahiq Logoon Tak Ja Nahi Pati. Rastay Men Hi Gaib Ho Jati Hay. Ager
Zakat Ka Nizam Durust Ho Jae. To Na Sirf Gurbat Or Berozgari Dor Ho Gi, Bal K
Pakistan K Jan Lewa Qarzoon Say Bhi Jan Chut Jae Gi. Or Pakistan Mali Tor Pe
Mustahiqam Bhi Ho Jae Ga. Allah K Banaye Hue Nizam Se Behtar Or Konsa Nizam Ho
Sakta Hay. Go K Ye Aik Lamba Marhala Hay Mager Naik Niyati Say Kam Liya Jae To
Silla Zaror Milta Hay.
Zakat To Zakat Haj Jaisay Muqads Farezay Ki Adaige Men Bhi Rokawat Dali Jati
Hay. Musalmano'n K Liye Doob Marnay Ka Maqam Hay , K Bharat Haj K Moqay Par Haj
Ki Tickets Sasti Kar Dayta Hay Or Pakistan Islami Mulk Ho K B Tickets Meh'ngay
Kar Dayta Hay. Or Is K Baray Men Sawal Karnay Par Haj Intizamiy Nay Khuch Yun
Kaha Tha
"Haj Sahib-E-Hasiyat Logoon Par Faraz Hay. Jo Tickets Lay Sakta Hay Wo Haj Kar
Lay Jo Nahi Lay Sakta Wo Na Karay".
Ye Hay Islam Ki Halat Pakistan Men. Ab Jamhoriyat Pe Nazar Daltay Hen. Pakisan
Men Siyasatdano Nay Apnay Apnay Mufad K Liye Waqtan Fawaqtn Jamhoriyat Par
Qatilana Hamlay Kiye Hain. Jaisay Cheif Justice Ko Bartaraf Karna,Or Unki Bahali
Ka Amal Bhi Ham Bohot Achay Say Jantay Hain. Benazir Ka Katal, Nawaz Shareef Ko
Na-Ahel Karar Diya Gaya, Or Apnay Mufad K Liye Siyasat Pe Lagi Taleem Yafta
Honay Ki Bandish Khtam Ki Gai. Or Ab Isambliyoun Ka Tot Jana.
Raymand Daywas K Case Say Pehlay Tak To Shah Mehmood Qureshi Or Rehman Malik
Apna Kam Bakhoobi Sar Anjam Dayr Ahay Thay Mager Aik Amrica K Bashinday Ki
Mashkook Harkat-O-Sakanat K Baad Shah Mehmood Qureshi Or Rehman Malik Dono Ki
Wazartoon Men Nuqs A Gaya. Kion K Un Ki Wizarten Ab Siyasat Dano K Mufad K Liye
Muzar Ho Gai Thin. Or America Ko Bhi Shah Mehmood Qureshi Or Rehman Malik Say
Problem Ho Rahi Hi. Lihaza Aik Or Qatilana Hamla Jamhoriyat Pe Kia Gaya.
Men Siyasat K Baray Men Ziyada To Nahi Janti Magar Chand Alfaz Siyasat K Liye
Likhay Hen. Yun Keh Lijiye Siyasat Ki Tareef Meri Nazar Men
"A Country Is Not An Platform To Polish The Politics For Own Purposes, But
Politics Is A Platform/Department To Polish The Country" (Bella)
Or Meray Khiyal Men Kisi Bhi Mulk Ki Taraki K Liye Siyasat Ko Yun Bhi Samjhna
Lazmi Hay.
"Politics Is A Game, Which Must Be Just Played Just At International Level"
(Bella)
Mager Hamaray Siyasat Dan To Aqal K Andhay Hen. Ye Tha Pakistan Ki Jamhoriat Ka
Trailer. Ab Pakistan K Wajood Ki Bari Hay.. Pakistan K Char Sobay Hen, Punjab,
Sindh, Balochistan, Khyber Pakhtoonkhawa, Ye Char Sobay Mil K Aik Bawaqar Mulk
Pakistan Banatay Hen. Mager Aj Har Sobay Ko Alg Karnay Ki Tornay Ki Sazishen Ki
Ja Rahi Hen. Shaid Pakistan K Log Us Kisan Ki Kahani Bhool Gaye Hen Jiskay Char
Baytay Thay Jo Har Waqat Lartay Rehtay Thay. Aik Din Kisan Nay In Ko Lakriyon Ka
Gattha Lanay Ko Kaha, Or Kaha K Is Ko Toro, Sab Nay Bari Bari Koshish Ki Mager
Lakriyon Ka Gattha Tot Nahi Paya. Or Phr Kisan Nay Kaha Lakriya Khol K Tor Do.
Tab Sab Nay Alag Alag Kar K Sab Lakriyan Tor Di. Isi Tarha Pakistan Bhi Jab Tak
Ikatha Hay Mehfooz Hay. Tot Kar Sab Sobay Kabhi Kaim Nahi Reh Pain Gay. Mager Ye
Kahani Sab Bhool Gaye Hen. Oh Sorry Men Bhool Gai Hamaray Siyasat Dano Ki To
Degriyan Jali Hen. Ye Kahnai Kahan Parhi Ho Gi
Is Mukhtasir Jaizay K Baad Men Is Natijay Pe Pohnchi Hun K Hamaray Mulk K Qiyam
Ka Maqsad Jo K Islami Jamhoriya Pakistan Hay Wo Kabhi Pora Hua Hi Nahi. Aj Yun
Lagta Hay K Pakistan I.C.U Men Para Hua Hay. Mager Moujhe Itna Yaqeen Hay K
Allama Iqbal Ka Khuwab Or Quaid-E-Azam Ki Mehnat Kabhi Raigan Nahi Jae Gi. Allah
Ji Kabhi Mehnatoon Ko Raiga'n Nahi Janay Daytay Or Shaid Isi Liye Aj Islami
Jamhoriya Pakistan Men Kam Az Kam Pakistan To Kaim Hay. Or InshaAllah Aik Din
Islami Jamhoriya Pakistan Bhi Wajood Men Aye Ga. InshaAllah.
"Pakistan Zindabad".