ماں ہمیشہ اپنے بچوں کی نہ صرف بہترین دیکھ بھال کرتی ہے
بلکہ انہیں خوش بھی دیکھنا چاہتی ہے- دنیا کا کوئی رشتہ ماں اور بچے کے
درمیان قائم رشتے سے زیادہ مضبوط نہیں ہے- لیکن اگر ہم پاکستانی ماؤں کی
بات کریں تو ان یہ دنیا بھر سے بالکل مختلف معلوم ہوتی ہیں- یہ اوپر سی
جتنی سخت دکھائی دیتی ہیں اندر سے اتنی ہی معصوم ہوتی ہیں- بعض اوقات
پاکستانی ماؤں کا اپنے بچوں چاہے وہ کتنے ہی بڑے کیوں نہ ہوگئے ہوں کا
ضرورت سے زیادہ دیکھ بھال کرنا بچوں کو پریشان بھی کردیتا ہے- لیکن حقیقت
میں یہ ان کی ایک فکر بھی ہوتی ہے جس کا مقصد اپنے بچوں کو زمانے کی نرم
گرم ہواؤں سے محفوظ رکھنا ہوتا ہے- آج ماؤں کے عالمی دن کے موقع پر ہم آپ
کے سامنے سے پاکستانی ماؤں کے ایسے دلچسپ جذباتی حملے پیش کر رہے ہیں جو
اکثر کام کرجاتے ہیں یا کارگر ثابت ہوتے ہیں اور آپ شرمندگی محسوس کرنے
لگتے ہیں-اپنی ماں سے محبت اور احترام سے پیش آئیے اور ان کی خدمت کر کے
جنت حاصل کیجیے کیونکہ دنیا میں اس ہستی کا کوئی نعم البدل موجود نہیں-
|
|
پاکستانی ماؤں کا یہ جذباتی جملہ تو اکثر کام کر جاتا ہے
“ میں نے اپنی زندگی خراب کردی تمہارے لیے اور تم میری صرف ایک بات نہیں
مان سکتے“-
|
|
کھانے پر نخرے دکھائیں اور یہ پھر یہ جذباتی جملہ سنیں “ پورے دن چولہے
کے سامنے اس لیے نہیں کھڑی ہوئی کہ تم میرے بنائے ہوئے کھانے میں کیڑے
نکالو اور اسے کھانے سے انکار کرو“-
|
|
پاکستانی ماؤں کا یہ کہنا بھی کارگر جذباتی حملہ ہے کہ “ساری زندگی یہی
سوچا تھا میرے بچے بڑے ہو کر میرے نخرے اٹھائیں گے اور اب دیکھو“-
|
|
یہ تو تقریباً ہر پاکستانی ماں ضرور اپنے بچوں کو بولتی دکھائی دیتی ہے “
جب تمہارے اپنے بچے تمہیں ستائیں گے تب میں تم سے پوچھوں گی“-
|
|
رزلٹ خراب آنے پر پاکستانی مائیں بچوں کو کچھ یوں احساس دلاتی ہیں“ تمہاری
پڑھائی کے لیے میں نے اپنا سب کچھ ختم کر دیا اور تم یہ نمبر لائے ہو-“
|
|
اگر آپ نے کوئی چیز لانے سے انکار کیا تو پھر تیار رہیں یہ سننے کے لیے “
تم دہی لینے جارہے ہو یا میں پھر خود جا کر لاؤں؟ انہیں یہ بھی بتا دوں گی
کہ میرا ایک جوان بیٹا بھی ہے جو گھر بیٹھا ہے“-
|
|
آپ کوئی بات نہ مانیں تو ایسے جذباتی حملہ ہوتا ہے “ لوگ صحیح کہتے ہیں
اولاد کے لیے کتنا کچھ بھی کر لو لیکن وہ آخر پر بھول ہی جاتی ہے“- |