پُرسکون خوشحال اور مثالی زندگی گزارنے کے انمول طریقے

چند نصیحتیں خوشحال زندگی کی ضمانت

۱- دن کا آغاز نماز فجر، اذکاراور توکل علی اللہ سے

۲- گناھوں سے مسلسل معافی مانگتے رھیں، گناہ بھی معاف، رزق میں بھی اضافہ ان شاء اللہ۔

۳- دعا نہ چھوڑیں، یہ کامیابی کی کنجی ھے۔

۴- یاد رکھیں زبان سے نکلے کلمات لکھے جارھے ھیں

۵- سخت آندھیوں میں بھی امید کا دامن نہ چھوٹے

۶- انگلیوں کی خوبصورتی انکے ذریعہ تسبیح کرنے میں ھے

۷- افکار اور غم کی کثرت میں ورد کریں *لا الہ الا اللہ*

۸- روپے پیسے دے کر فقیروں اور مسکینوں کی دعا خرید لیں۔

۹۔ خشوع اور اطمینان سے کیا گیا سجدہ زمین بھر سونے سے بھی بہتر ھے، اسکی قدر کریں

۱۰- زبان سے کوئی لفظ نکالتے ہوئے سوچیں اسکے اثرات کیا ہونگے، ایک لفظ بعض اوقات مہلک ہو جاتا ھے

۱۱- مظلوم کی *بدعا* اور محروم کی *آہ* سے بچیں

۱۲- اخبار و رسائل بینی سے پہلے کچھ تلاوتِ قرآن کرلیں۔

۱۳- آپ اپنی اصلاح کی فکر کریں آپکا گھرانہ بھی آپکے راستہ پر چلے گا ۔

۱۴- آپکا نفس برائی کی طرف بلاتا ھے، اسکو نیکی میں لگا کر مقابلہ کریں ۔

۱۵- والدین کی قدر کیجئے انکو نعمت عظمی سمجھیں، رضائے الہی کا قریبی سبب ھے ۔

۱۶- آپکے پرانے کپڑے غریبوں کے لیے نئے ہیں ۔

۱۷- زندگی انتہائی مختصر ہے غصہ نہ کریں، کسی سے بغض نہ رکھیں، رشتہ داریوں اور تعلقات کو خراب نہ کریں

۱۸- آپکو سب سے زیادہ طاقت والے اور سب سے بڑے مالدار کا ساتھ حاصل ہے (یعنی اللہ سبحانہ و تعالی کا) اسپر اعتماد کریں اور خوش رہیں ۔

۱۹- گناہوں سے اپنے لیے دعا کی قبولیت کا دروازہ بند نہ کریں ۔

۲۰- مصیبتوں، مشقتوں حتٰی کے ذمہ داریوں کے نبھانے میں نماز آپکی مددگار ہے، اسکا سہارہ لیں ۔

۲۱- بدگمانی سے بچیں، دوسروں کو بھی راحت پہنچائیں اور خود بھی راحت میں رہیں ۔

۲۲- تمام فکروں اور غموں کا سبب اپنے رب سے دوری ہے، اس دوری کو ختم کردیں ۔

۲۳- مسنون دعاؤں - نمازوں کا اھتمام کریں، قبر میں یہی ساتھ جائیگی ۔

۲۴- غیبت کریں نہ سنیں، کوئی کررھا ہو تو اسکو بھی روکیں

۲۵- سورۃ الملک کی تلاوت نجات کا باعث ھے

۲۶- خشوع سے خالی نماز، آنسو سے خالی آنکھیں محرومی ھے، اس محرومی سے نکلیں

۲۷۔ دوسروں کو تکلیف دینے سے بہت بچیں

۲۹- تمام تر محبت اللہ ﷻ اور رسول اللہ ﷺ کے لیے
اور مخلوق کے لیے اچھا اخلاق

۳۰- جو آپکی غیبت کرے اسکو معاف کر دیں وہ تو خود اپنی نیکیاں آپکی نذر کر رھا ھے

۳۱- نماز، تلاوت اور ذکر چہرے کا نور، دل کا چین اور مزید نیک اعمال کی توفیق کا ذریعہ ھے

۳۲- جو جہنم کی آگ یاد رکھے، گناہ سے بچنا اسکے لیے آسان ہو جائے گا

۳۳- جب رات ھمیشہ نہیں رھتی تو غم پریشانی کے بادل بھی چھٹ جائیں گےاور تنگی آسانی سے بدل جائیگی

۳۴- بحث مباحثہ چھوڑیئے
بڑے بڑے کام کرنے کو پڑے ھیں ۔ کرنے والا کام کرینگے تو نہیں کرنے والے کام سے بچ جاؤگے۔

۳۵- نماز اطمینان سے ادا کریں باقی سارے کام اس سے بہت کم اہمیت کے ہیں

۳۶- قرآن تک ہر وقت رسائی رکھیں، ایک آیت کی تلاوت بھی دنیا ومافیہا سے بہتر ھے

۳۷- زندگی کی خوبصورتی ایمان کے بغیر نہیں

آخر مردہ یہ تمنا کیوں کریگا کہ وہ واپس آکر صدقہ کرے اس لیے کہ وہ صدقہ کا فائدہ دیکھ لیگا۔ صدقہ کریں، مومن قیامت کے دن اپنے صدقہ کے سائے میں ھوگا۔

♡ گفتگو ♡

گفتگو انسان کی شخصیت میں نکھار پیدا کرتی ہے الفاظ میں انسان کا عکس دکھائی دیتا ہے
گفتگو انسان کے احساسات و جذبات کا زبان سے اظہار کرنے کا نام ہے بہترین الفاظ کا انتخاب ہی انسان کو عزت و وقار کے بلند مرتبے پر بٹھا دیتا ہے اور نامناسب الفاظ انسان کو بلند ایوان میں بھی کم تر اور کم حیثیت بنادیتے ہیں ۔

تین خوبیاں انسان کو باکمال بنا دیتی ہیں ۔
ٹھنڈا دماغ, میٹھی زبان ,نرم دل
اللہ رب العزت ہم سب کو ان تمام خوبیوں سے نواز دے ۔

جو شخص اللہ تعالی کی نعمتوں سے مطمئن رہتا ھے وه سب سے زیاده دولتمند ھے کیونکہ اطمینان فطرت کی سب سے بڑی دولت ھے ۔

یا اللہ! ہمیں اطمینان قلب کی دولت سے مالا مال فرما اور اپنی نعمتیں ہمارے اعمال کے حساب سے نہیں بلکہ اپنی رحمتوں کے حساب سے عطا فرما، اور جو لوگ بیمار ھیں انکو شفاء کاملہ عطاء فرما ،رحم کا، کرم کا، عافیت سہولت، برکت، درگزر، و مغفرت کا معاملہ فرما ۔آمین۔