ہممم سچی محبت کا احساس بھی عجب ہوتا ہے
۔۔۔۔۔۔۔ زمانے کی سختیوں میں راحت کا سا احساس، تنہائی میں اپنے ساتھ کسی
کے ہونے کا احساس ۔۔۔۔۔۔۔۔ جھلستی تپتی دھوپ میں ٹھنڈے مسکراتے ابر کا
احساس ۔۔۔۔۔ مشکلوں میں آسانی کا احساس ۔۔۔۔۔ خوف میں امن کا احساس ۔۔۔۔
سچی محبت زمانے کی تلخیوں کے مفہوم بدل دیتی ہے ۔۔۔۔۔ خلوت جلوت کے مطلب
بدل جاتے ہیں ۔۔۔۔۔۔۔۔ نارِ نمرود سلامتی والی آگ ہو جاتی ہے ۔۔۔۔۔۔۔۔
دریائے نیل کسی قاصد سا کسی نازک سے بے بس سے وجود کی باحفاظت پیامبری کر
جاتا ہے ۔۔۔۔ جابر کے محل میں حق کو سرکش کی آںکھوں میں دھول جھونک کر پناہ
دی جاتی ہے ۔۔۔۔۔۔۔ محبت معجزہ ہے ،۔۔۔ محبت عطا ہے ۔۔۔۔۔۔ محبت رحمان ہے
۔۔ محبت مہربان ہے ۔
جب ساری دنیا نگاہیں پھیر لیتی ہے ۔۔۔۔ تب بھی محبت کا ظرف کسی مہربان سا
احساس لئے اپنی آغوش میں تھپکتا محسوس ہوتا ہے ۔۔۔۔ تھکن کو زائل کرتا کسی
راحت میں ضم کرتا محسوس ہوتا ہے ۔۔۔۔ دل جو کبھی کسی سنگ سا محسوس ہوتا تھا
۔۔۔۔ کسی موم سا پگھلا یا اس سے بھی گداز سا لگتا ہے ۔۔ ۔۔۔۔۔۔۔۔۔۔ محبت
عرش سے دل تک بہتی مثلِ آبشار ہے ۔۔۔۔۔۔۔ روح کا تبسم ۔۔۔ آںکھوں کی نمی
جیسے کسی آب زمزم سی قوس قزح بکھیرتی ہے ۔۔۔۔۔۔۔ جہاں دنیا طعنہ زنی کرتی
ہے وہاں محبت کسی پاکیزہ عورت کو اپنی عفت و حیا اور سرخروئی کی چادر اسی
کی محبت بھری نشانی کے ذریعے ایک پنگھوڑے سے کسی گواہی کی صورت دلواتی ہے
تو کہیں خود اپنے کلامِ پاک میں اس کی آبرو کی اسکی حیا کی پاسداری کی
تصدیق کرتی ہے ۔۔۔۔۔۔۔۔ محبت باعزت ہے وہ کیسے کسی اس کے بہت اپنے کی عزت و
مان کی حفاظت نہیں کرے گی؟ جب کہ اس سے بڑھ کر کون ہے جو محافظ ہے اس سے
بڑھ کر کون ہے جو نگہبان ہے ۔۔۔۔۔۔۔۔۔۔اس سے بڑھ کر کون ہے جو باطل کے منہ
پر حق کھینچ مارتا ہے ۔۔۔ کہ باطل پاش پاش ہو جاتا ہے ۔۔۔ محبت سے بڑھ کر
کوئی عطا نہیں ۔۔ جہاں محبت قربانی کے خواب میں بھی مہر بلب ہے اور محبت سے
سر بسجود ہے وہاں کسی تحفہ سا سنت ابراہیمی عطا کرتی ہے ۔۔۔
جو محبت کو اپنا اختیار سونپ دیتا ہے ۔۔ محبت اسے زمانے کے جبر کے اختیار
سے آزاد کروا دیتی ہے ۔۔ پھر وہ اسے اپنی محبت بھری آغوش میں سمو لیتی ہے
۔۔۔۔۔۔۔۔ حالات کچھ بھی ہوں نگاہ میں محبت اپنا جلوہ سمو دیتی ہے ۔۔ زمانے
کی سازشوں میں اس کے مکر میں ۔۔۔۔ اپنی لطیف تدبیر لیئے آتی ہے ۔۔۔ جب جاں
حلق کو آ رہی ہوتی ہے تب بھی صبر حمد و شکر سے سربسجود متوالے کو ایک نئی
رمق بخشتی ہے ۔۔ کن کہتی ہے فیکون کر دیتی ہے ۔۔۔۔۔۔۔۔۔۔ عصا کی ایک ضرب
لگواتی ہے ۔۔۔۔ دریا آر پار کروا دیتی ہے ۔۔۔۔ کوئی عدو اگر اس کے محبوب پر
سنگ تراشی کرنا چاہے تو اسکی آںکھوں کی بینائی تک لے کر اپنے محبوب کو
محفوظ رکھتی ہے ۔۔۔۔ بس جو محبت کو اپنا محبوب کر لے محبت اسے اپنا محبوب
کر لیتی ہے۔۔ اللہ محبت ہے ۔۔۔۔۔۔۔۔۔۔ اور محبت میں ہم اللہ کو ڈھونڈ رہے
ہیں ۔۔ محبت سے بڑھ کر باوفا کچھ نہیں ۔۔۔۔ ساتھ نبھانے والی ۔۔۔ یہ پیچھے
نہیں بھگاتی ،،، سایہ دیتی ہے ڈھانپ لیتی ہے ۔۔۔ دنیا کے بتوں کے پیچھے
جتنا بھاگو ۔۔۔ اتنی خواری اٹھاؤ گے ۔۔ اس سے سایہ مانگو چلچلاتی دھوپ میں
بھی مسکراتا ابر لیئے خود آ جائے گی، تم آہستہ چلو یہ دوڑ کر آئے گی ،،،
گلے لگائے گی ۔۔۔ تم ایک قدم اسکی طرف آؤ یہ دس قدم تمہاری طرف آئے گی ۔۔۔۔
جو اسے نہ چھوڑے وہ اسے کیسے چھوڑ سکتا ہے ۔۔۔۔ ایک اللہ ہی تو ۔۔۔ بس وہی
تو ہے جو سونی آںکھوں میں کہکشاں سجاتا ہے ۔۔ بلکتی آںکھوں میں قوس قزح
بکھیر دیتا ہے ۔۔۔ وہی تو جو محبت ہے بس وہی تو ہے جو محبت ہے
۔۔۔۔۔۔۔۔۔۔۔۔۔
محبت تاثیر بدل دیتی ہے ۔۔۔۔ آگ ۔۔۔ آگ نہیں رہتی ۔۔۔۔ قربانی کی ادا زندگی
کو جِلا دیتی ہے ۔۔۔ صبر کے دھارے کسی نابینا کی آںکھوں میں کسی محبت کی
خوشبو سموئے کُرتے میں بینائی کا بہانہ لیئے آتے ہیں۔۔۔ تو کہیں پہاڑ پرندے
جھیلیں آبشاریں ساتھ حمد و تسبیحات کا کُن سے رواں معجزہ لیئے آتے ہیں ۔۔۔۔
محبت اپنا کر لیتی ہے ۔۔۔۔ پھر سب محبت ہو جاتا ہے ۔۔۔ کائنات ۔۔ کائنات
نہیں اسکا جلوہ ہو جاتی ہے ۔۔۔ اشک اشک نہیں اس کا کُن ہو جاتے ہیں ۔۔۔
اسکی رضا ہو جاتے ہیں ۔۔۔ مسکراہٹ مسکان نہیں اس کی ادا ہو جاتے ہیں ۔۔ ہر
احساس میں اسکا احساس آ جاتا ہے ۔۔۔۔ زمین اسکا تحفہ لگتی ہے آسمان اسکی
چادر، ہوا اسکی رمق تو چاند اسکی دمک ۔۔۔۔ چڑیا اسکی چہک ۔۔۔ سب میں اسکی
ادا سب میں اس کا کُن دل سے اس کی تعریف میں سربسجود ہو جاتا ہے ۔۔۔۔ بس وہ
صرف وہ ۔۔۔۔ہر ہر جا ۔۔۔۔ محبت ہی تو نظر آتی ہے ۔۔۔۔ سچی محبت تو وہ عطا
ہے جس سے بڑھ کر کوئی عطا نہیں ۔۔۔ آؤ اللہ سے دعا کرتے ہیں وہ ہمیں اپنی
سچی خالص ترین محبت سے نواز دے وہ ہمیں محبت بھری چادر میں ایسے ڈھانپ لے
کہ پھر کسی اور کی چاہ نہ رہے ۔۔۔ اسکا رمز ہم پر ایسا کھل جائے کہ بس ایک
اس کی آشنائی ہماری ہر سانس ہو جائے آؤ ہم اللہ سے اللہ کی سچی محبت مانگیں
اے اللہ ہمیں اپنی یا کسی کی انا کی داستان نہیں بلکہ اپنی خالص اور سچی
معطر محبت کی داستان بنا اے اللہ ہمیں اپنی سچی محبت عطا فرما اللھم آمین
یا رب العالمین یا ارحم الراحمین!! |