انسان کیا سے کیا ہوگیا؟
پستی کی انتہائی حدوں کو چھو گیا ہے۔ اتنا بڑا ظلم و بربریت۔ وہ نرم و نازک
شگوفے جن کی لطافت اور جوشبو ہمارے جسموں کی ترو تازگی اور ہمارے چہروں کی
رعنائی تھی ۔ جن کی تاب سے ہمارے لہو روان تھے۔ جو ہمارے جینے کی ایک امید
اور مرنے کا حوصلہ تھے۔ان کو بھی ہم نے معاف نہ کیا۔
کیا ہم انسان کہلانے کے بھی قابل ہیں؟
کیا تاریخ ہمیں معاف کرے گی؟
کیا ہمارے پاس اس کا کوئی جواز ہے؟
قومیں اپنی ان مستقبل کی امیدوں کو انگلیاں پکڑ کر علم و ادب اور سائنس و
ٹیکنالوجی کے زینوں پر چلنا اور چڑھنا سکھا رہی ہیں اور ہم۔۔۔۔۔۔۔۔۔۔
ایسے موقع پر محض مزمت کیسے ان زخموں کو بھر پائے گی جو ہر صبح پھر سے تازہ
ہونگے ہر سہ پہر کو پھر خون رسنا شروع کر دینگے۔ ہر رات کو کروٹوں میں یہ
دوبارہ کچلے جائیں گے۔ آنسوؤں اور پچھتاوئے کے علاوہ ہمارے پاس رہ ہی کیا
گیا ہے۔
کاش یہ صبح آتی ہی نہ!
سورج نکلنے سے پہلے ہی ڈھل جاتا
تاریخ کا اتنا درد ناک باب کہ جس نے فلک کو بھی پر نم کر دیا ہوگا انسان تو
کیا حیوانوں کی روح بھی کانپ اٹھی ہوگی کہ اشرف المخلوقات کی اتنی۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اسے تیری بے حسی کہوں
اسے تیری پستی کی انتہا کہوں
یا ایک بار پھر اﷲ کی رضا کہوں
انہیں مزمت میں ڈوبے ندامت کے لمحات کہوں
سسکیوں کے ساتھ جھڑتے آنسوؤں میں لا چارگی کہوں
کچھ سمچھ میں نہیں آتا کیا کہوں کیا نہ کہوں
ؓطلب کہوں یا انتقام مگر کیسے کہوں
کس کے سر الزام دوں تو کیوں دوں
کس کو روکوں کیسے روکوں
یہ کیوں مرے وہ کیسے بچے
تو ایسے میں کو ن ہے زندہ
میں تو سمجھوں مگر وہ کیسے سمجھے
یہ مرض نفس ہے یاغلامی نفس
کس کو دوں دوش مگر کیوں دوں
کاش ۔۔۔۔۔۔ مگر اب کیا فائدہ
کہوں تو بہت کچھ مگر کیسے کہوں کیوں کہوں
اب تو بس اتنا ہی کہوں
جاؤ کہہ دو زمانے سے
مجھے نہیں جینا مجھے نہیں جینا
گر یوں ہی مرنا ہے تو دیرکیوں |