خاموش قتل
(Ghufran ul Haque, Karachi)
ٹوکن نمبر پچیس۔۔۔۔۔۔کس کا ہے
ٹوکن نمبر پچیس؟۔۔۔۔۔میرا ہے بیٹا۔۔۔آپ ہیں بڑے میاں۔۔
اتنا آرام سے کیوں آرہے ہیں جلدی کیجیے۔۔۔۔۔۔۔۔ایک آپ ہی نہی ہیں آپ کے
علاوہ بھی بہت سے لوگ ہیں۔۔۔۔۔۔بیٹا رش بہت ہے۔۔۔۔۔۔۔ اچھا اچھا ٹوکن دیں۔۔۔۔۔۔۔۔۔
ٹوکن نمبر چھبیس۔۔۔۔۔۔جی میرا ٹوکن نمبر چھبیس ہے۔۔۔۔۔۔۔۔آپ ہیں۔۔ یہ آپ نے
ایک ایک لاکھ کے نو سرٹیفکیٹس کیوں لے رکھے ہیں ۔۔۔۔ نو لاکھ کا ایک
سرٹیفکیٹ بھی تو لے سکتی تھیں۔۔۔۔نو بار مختلف جگہوں پر اندراج کرنا پڑتا
ہے۔۔۔۔۔۔۔۔ٹائم خراب کرتے ہیں آپ لوگ۔۔۔۔۔نو نو چیک بُکس لے کر گھومنے میں
مزہ آتا ہے۔۔۔۔۔۔۔
بیٹا یہاں پر واش روم ہے؟۔۔۔۔۔۔۔۔ بڑے میاں اپنی جگہ پر بیٹھیں یہاں تو
ہمارے لیے پانی نہیں ہے آپ کو کہاں سے دیں گے۔۔۔۔۔۔۔۔۔ بیٹا صبح آٹھ بجے سے
آیا ہوا ہوں اب تو گیارہ بج گئے ہیں ۔۔۔۔۔۔۔ اپنی جگہ پر بیٹھیں بڑے
میاں۔۔۔۔۔۔۔ وقت برباد نہ کریں۔۔۔۔۔۔۔ بہت کام ہے۔۔۔۔۔۔۔ واش روم جانا
ہے۔۔۔۔۔۔۔
یہ حال ہے ہمارے قومی ادارے نیشنل سیونگ سرٹیفکیٹ سینٹر کا جہاں ہر مہینے
ناصرف منافع بلکہ ذ لت اور طعنے بھی عوام کو باقاعدگی سے ملتے ہیں۔۔۔۔۔۔
یہ حکومت کا وہ ادارہ ہے جہاں عوام کی جمع پونجی جو وہ اس ادارے میں جمع
کراتے ہیں ۔۔۔۔۔۔۔ حکومت کی طرف سے اس رقومات کے عوض مناسب منافع دیا جاتا
ہے ۔۔۔۔۔۔۔ اس کے علاوہ ریٹائرڈ ملازمین کی پینشن بھی اسی ادارے کے زریعے
عمر رسیدہ لوگوں کو ادا کی جاتی ہے۔۔۔۔۔۔ مگر اس ادارے کا اصول ہی نرالہ ہے
۔۔۔۔۔۔ جن لوگوں سے رقومات لی جاتی ہیں ان ہی کی تذلیل کی جاتی ہے۔۔۔۔۔
اس ادارے کے ملازمین کے کوڑے برساتے جملوں نے ان غریب عوام کو نظریں جھکائے
رکھنے پر مجبور کردیا ہے۔۔۔۔۔۔۔۔۔ انہیں اب یقین ہو گیا ہے کہ ان کو منافع
رسوا ہوے بغیر نہیں ملے گا۔۔۔۔۔۔۔۔۔اسی وجہ سے جواب دینے کی صلاحیت ان میں
ختم ہی ہوگئی ہے۔۔۔۔۔۔۔
ان سینٹرز میں کام کرنے والے ملازمین روزآنہ لوگوں کی عزت، غیرت اور شرافت
کا مذاق اڑاتے ہیں۔۔۔۔۔۔ اور آہستہ آہستہ یہ صفات ہی ان لوگوں میں سے ختم
کردیتے ہیں۔۔۔۔۔۔ اس خاموش قتل پر نہ تو کوئی آواز بلند کرنے والا ہے اور
نہ ہی روکنے والا۔۔۔۔۔۔
صبح سات بجے اس ادارے کے باہر ٹوکن تقسیم کیے جاتے ہیں۔۔۔۔۔۔ مگر شروع کے
کچھ ٹوکن پہلے ہی ہٹا دیے جاتے ہیں- وہ ٹوکن کچھ خاص لوگوں کے لیے رکھ دیے
جاتے ہیں- جو دیر سے آتے ہیں اور اپنا کام کر کے جلدی چلے جاتے ہیں- بس
کاغذی نوٹ حرکت میں آتے ہیں اور دو سے تین گھنٹوں کا کام منٹوں میں ہوجاتا
ہے۔۔۔۔ |
|