"Main Pakistani Hnh "

(Asad Arshad, Rahim Yar Khan)

Ye Wohi Watan Hai Jahan Her Dosray Din 70-80 Bay Kasoor Logon Ko Ik Gumnam Dhamkay Main Maut Ki Nend Sula Dia Jata Hai... Jahan Tv Pay Sirf Ik Khabar Aati Hai " Wazir E Aazam Nay Dhamakay Ki Muzamat Ki, Or Wazir Dakhla Nay Notice Lay Lia "

Is K Ilawa Hamari Hakomat Kuch Karnay Say Kasir Hai...

Ye Wo Mulk Hai Jahan Jan Bohat Sasti Ho Chuki Hai....Lakin Zinda Rehnay K Liay Awam Ko Bht Bari Keemat Ada Karna Parti Hai ...

Yeahi Wo Watan Hai Jis Ko Chalanay K Liay Awaam Ka Khoon Nachora Jata Hai... Wohi Mulk Jis Main Ishaq Dar Khoon Nachornay Ka Ye Kam Nihayat Khush Islobi Say Injam Daita Hai ....Or Ham Phir B Is Hakomat K Dewanay Hain...

Ham Khud Ko Ik Ghairat Mand Qom Kehtay Hain ? Shaid Ham Bhol Jatay Hain K Hamaray Hukamran Kis Trha Duniya K Agey Hath Phila K Karz Wasool Kartay Hain? Or Kin Sharmnak Shirayat Pay Ye Karz Wasol Kia Jata Hai?

Phir Karz Wasol Kar K Ham Shor Machatay Hain K Drawon Hamlay Band Karo ? Kia Had Nahe Nadani Ki?

Unhi Logon K Samnay Ghairat Baich K, Kis Monh Say Kehtay Ho K Ham Ik Ghairat Mand Qaum Hain, Is Liay Hamari Sarhdon Ka Ihtram Karo Or Drawon Hamlay Band Karo......

Ye Wo Dais Hai Jis Main Laptop Scheme, Bay Nazer Income Scheme , Aashiana Scheme Jaisi Tarkeebon Say Awam Ko Pagal Bnaya Jata Hai Or Siyasat Chamkai Jati Hai, Or Nam Dia Jata Hai K Ghareebon K Liay Bht Kam Kia Ja Raha Hai...

Yahan Raymond Davis Jaisay Ghunday Hamaray Ham Watnon Ka Qatal Kartay Hain. Or Ham Unko Bht Izaat K Sath Rukhsat Kartay Hain...

Bohat Saray Waqiyat Say Ye Sabit Ho Chuka Hai K India Pakistan Main Honay Walay Dahsaht Gardi K Waqiyat Main Mulavis Hai...

Magar Hamaray Wazeer E Azam Main Ye Bat Kehnay Ki Jurat Nahen Hai, Jab K India Ka Prime Minister UNO Ki Meeting Main Kehta Hai K Pakistan Ik Dahshat Gard Mulk Hai..

Or Ham Hain K Aman Ki Aasha Ko Parwan Charha Rahay Hain.? Muaf Kijiay Ga... Aman Ki Asha ? Kia Ye Aman Ki Asha Hai ? Ya Hamary Naheef Honay Ka Iqrar?

Is Dais Ki Galiyon Main Awam Ka Khoon Beh Raha Hai.... Gahreb Ki Zindgi Mushkil Say Mushkil Tar Hoti Ja Rahi Hai.. Dollar Aasman Ki Bulandiyon Ko B Pechay Chor Chuka Hai....Lakin Hamain Abhi In Muntikhib Hukamrano Say Umeedain Hain... Ham Main Say Bht Say Aisay Hain Jo In Hukamranon K Gun Gatay Hain... Hamain Shaid Achey Buray Ki Tamez Nahen Rahi.. Shaid Ham Ikhlaqi Tor Pay Bohat Kamzor Ho Chukay Hain.......... ?

Email
Rate it:
Share Comments Post Comments
16 Nov, 2013 Total Views: 443 Print Article Print
NEXT 
About the Author: Asad Arshad


Currently, no details found about the author. If you are the author of this Article, Please update or create your Profile here >>
Reviews & Comments
Aala
By: Salman mqabool, Gujranwala on Nov, 02 2017
Reply Reply
0 Like
Clap for you brother
By: Azlan, Bhakkar on Oct, 19 2017
Reply Reply
1 Like
Great article
By: Imran, Lahore on Dec, 03 2016
Reply Reply
2 Like
bat tu sach hai magar bat hai ruswai ki...
By: amir aslam , jhang on Dec, 26 2013
Reply Reply
2 Like
Post your Comments Language:    
Type your Comments / Review in the space below.
MORE ON ARTICLES
MORE ON HAMARIWEB