Zindagi
(Shumaiya Amber Gill, Karachi,Pakistan)
Zindagi Ke Liye Har Insan Ka
Matlab Faraq Hota He.Kisi Ke Liye Yeh Sirf Ek Haseen Khwaab He To Kisi Ke Liye
Ek Karwa Sach.Kisi Ke Liye Yeh Rangon Bhari Duniya He Or Kisi Ke Liye Yeh
Virangi Ke Ilawa Kuch Nahi.Koi Ise Phoolon Ki Saij Samjhta He To Kisi Ke Liye
Umar Bhar Ka Dard He.
Par Sochne Or Gour Karne Wali Baat Yeh He Ke Zindagi Sab Ke Liye Ek Jaisi Kyun
Nahi He,Har Kisi Ke Liye Yeh Phoolon Ki Saij Kyun Nahi He.Iska Jawab Yeh He Ke
Har Insaan Ki Zindagi Isi Liye Mukhtalif Hoti He Kyunke Har Insaan Ka Ek Apna
Nazriya Hota He Ise Lekar Jo Ke Use Un Faislon Tak Le Jata He Jo Ke Ya To Uski
Zindagi Sanwaar Dete Hen Ya Uski Zindagi Ko Bigaar Dete Hen.
Zindagi Yun To Kisi Ke Liye Aasan Nahi Par Agar Kisi Ke Liye Yeh Zindagi Aasan
Hui He To Yeh Un Logon Ke Liye Hui He Jinhon Ne Humasha
Sachayi,Khudari,Mehnat,Emaandari,Watan Parasti Ka Jazba,Aur Sabse Awal Apne Rab
Ke Liye Beloss Muhobat Ko Sabse Uper Rakha Aur Chahe Kitna Hi Tang Rasta Kyun Na
Ho Unho Ne Apne Asoolon Par Kabhi Samjhota Nahi Kiya,Apne Rab Se Apni Muhobat Me
Kabhi Kami Waqya Na Hone Di,Aur Ab Tak Jinhon Ne Sehal Pasandi Aur Khudgarzi Ka
Muzahira Kiya Unhen Zindagi Ki Talkhiyan Jhelni Pari.
Isi Liye Me Apni Nojawan Nasal Se Yehi Kahungi Ke Zindagi Ko Agar Behtar Banana
Chahte Ho To Kushada Raste Ka Lalach Karke Be-Imani Ko Apna Shewa Na Banao,Balke
Jhoote Logon Ka Sir Neecha Karte Huwe Sirat-E-Mustaqeem Par Gamzan Raho Aur Apne
Rab Se Hi Muhobat Rakho Dunya Ki Asaish-O-Araam Ka Na Socho,Kyune Tume Tumari
Wafadari Or Sachayi Ke Iwaz Wo Parwardigaar Bohat Kuch Dega Jo Tumari Soch Se
Balatar Hoga.