Mai Aik Orat Hoon Or Mujhay
Apnai Orat Honay Per Fakhr Hai.Orat Ko Azal Say Kamthar Or Haqeer Samjha Jatha
Raha Hai.Hamara Mashra Male Dominant Society Hai. Mardo Nai Kabi Bhi Orat Ko
Apnay Barabar Ka Darja Nahi Diya.
Mard Apne Har Ghalthe Ka Ilzam Orat Per Daltha Raha Hai, Yaha Thak Ke Jannat Sai
Nikalay Janay Ka Zimadar Bi Orat Ko Qaraar Day Kar Khod Ko Barizimma Qaraar Dai
Deya.
Shoro Sai Orat Ko Mazaalim Or Barbaeyat Ka Nishana Banaya Jatha Raha.Magar
Doosray Mashro Nai Orat Ki Haiseyat Or Ihmeyath Ko Kahi Na Kahi Thasleem Kar
Liya Magar Hamarai Maashrai Mai Abi Bi Orat Ko Oska Sahe Maqam Nahi Mila. Yaha
Ub Bi Orat Ko Kamzor Or Kamthar Samja Jatha Hai Magar Orat Ko Haqeer Samajnay
Walai Ye Baat Bhool Jaathai Hai Kai Dunya Ka Sub Sai Azeem Kaam Yane Insani Nasl
Ki Irthiqa Bi Orat Sai He Hai.Nasli Insaani Ko Aagay Barhanai Ka Zarya Orat Hi
Hai.
Hamarai Mulk Mai Agarche Taleem Aam Ho Rahi Hai Magar Jahalath Phir Bi Wesi Ki
Wesi Hai.Khaas Thor Sai Deehaat Or Gaawo Mai Jahalth Barh Rahi Hai Or Paray
Likhay Jaahil Bi Kam Nahi Hai.
Hamarai Society Mai Orat Ki Hayseyath Ko Tasleem Karnay Waly Or Isko Izzat Dai
Nay Waly Bhi Laako Hai Magar Ye Bi Haqeeqath Hai Ke Ab Bi Orat Ko Ghairat Kay
Naam Per Qathl Kiya Jatha Hai,Ab Bi Osko Wani Or Sowara Jaise Zalimanana
Rasoomaath Ke Bent Charhaya Jatha Hai,Ab Bi Beti Ke Pedayesh Per Mubarak Baad
Lanai Ke Bajay Nanni Jaan Ki Aamad Per Sog Manaya Jatha Hai.
Zindagi Kai Har Shobai Mai Ortho Ko Mushkilaat Or Masaail Ka Samna Karma Partha
Hai.
Ghar Hi Aik Aisi Jaga Hothi Hai Jaha Per Har Bachay Ki Zihni Nashonma Parwan
Charthe Hai Or Oski Shaseyath Banthe Bi Hai Or Bigarthe Bi.Hum Apnai Garo Mai
Apne Hi Betyo Or Behno Kai Saath Aisa Salook Kartha Hai Jis Se Wo Apnai Orat
Honey Per Fakhr Karnay Kai Bajai Ihsaas-E-Kamthare Ka Shikaar Ho Jaathe Hai.
Ziyada Thar Log Apne Beti Ko Beta Keh Kar Bolathe Hai Or Ye Bath Tho Aksar
Sonnai Mai Aathi Hai Ke Meri Beti Mera Beta Bun Kar Mera Sahara Bane Ga.Goya
Dunya Mai Sirf Mard Hi Maa Baap Ka Sahara Hothai Hai Betya Nahi .Beti Ko Beti
Keh Kar Bolaya Jaya Tho Os Mai Kithni Confidence Aa Sakthe Hai Is Ye Society Na
Balad Hai.
Orat Agar Kahi Baahir Nikal Kar Kaam Karnay Jaathi Hai Tho Osko Bus Mai Safar
Karnai Sa Lai Kar Wapas Ghar Aanay Thak Beshmar Massyel Ka Samna Karna Partha.
Rasthe Mai Osai In Nazro Sai Deka Jaatha Hai Jaise Wio Koi Khalai Makhlooq Ho .
Orat Ko Haqeer Samjnay Walay Ye Bhool Jaathay Hai Kai On Ko Bi Orat Nai Hi Janam
Diya Hai.Orat Ik Maa Bi Tho Hothi Hai Jis Kai Pairo Kai Neechay Jannat Hai .
Ye Orat Hi Hothi Hai Jo Har Qadam Per Mard Ka Saath Dathe Hai Chahai Wo Beti Ke
Shakal Mai Ho ,Behen Ya Phir Bewe Kai Shakal Mai.Orat Hi Mard Ko Or Oskay Ghar
Ko Sambhalthi Or Osai Bikarnai Sai Bachathi Hai.
Orat Per Jithna Zulm Kaya Ja Raha Hai Os Kai Bad Tho Sirf Yahi Ik Ilthija Baaqi
Rih Jathi Hai Ke Bhalay Orat Ko Apnai Barabre Ka Darja Math Do Magar Osko Kum Az
Kum Insaan Tho Samjo.