" e Kiya Chay Banae Hay Tum
Nay? Itni Patti Daal Di....Ly Kar Jao Foran Aur Dosri Bana Kar Lao.." Farida
Begum Nay Apni Behan Aur Behnoi K Samnay Apni 16 Saal Ki Beti Ko Dantt Diya Aur
Farah Dobara Chay Banay Chali Gae.
"Main To Tang Agae Hoon Ye Meri Baat Hi Nahi Sunnta." Nimra Nay Apnay Daiwar
Nadeem Sy Apnay 08 Saal K Betay Farhan Ki Shikayat Kartay Huy Kaha. " Ab Nadeem!
Tum Chahay Maroo Isko Ya Danto Bus Ye Parhnay Lagay"
Aisay Jumlay Ap Nay Apnay Ird Gird Sunain Hi Hogain. Aksar Waledain Apnay
Bachoon Sy Pareshan Ho Kar Apnay Muhallay Waloon Sy Ya Khandani Rishtay Daroon
Sy Shikayat Kartay Hain Jis Sy Un K Dil Ka Bojh To Halka Ho Jata Hay Magar Un K
Bachoon Main Mukhalfat Ka Aik Naya Rasta Khul Jata Hay. Aj Kal K Iss Tarakiyati
Dour Main Bachay Ehsas E Kamtari Ka Shikar Nazar Atay Hain. Apka Bacha Agar Fail
Ho Raha Hay Aur Parh Nahi Pa Raha To Usko Baroon Sy Pitwanay K Bajay Wo Waja
Talash Karain Jis K Baees Apka Bacha Parh Nahi Pa Raha. Apnay Bachay Sy Baat
Karain Aur Pochain K Kiya Waja Hay? Kiya Usko Teacher Ka Samjhaya Samajh Nahi
Ata Ya Board Dekhnay Main Masla Hota Hay. Agar Apki Beti Sy Chay Buri Bani Hay
Ya Rotti Jal Gae Hay To Us Ko Samjhain, Tariqa Batain Us Ki Kammi Ko Yun Sub K
Samnay Mat Beyan Karain, Agar Ap K Betay Ko Job Nahi Mil Rahi To Wo Koshish To
Kar Raha Hay Na..Us Ki Himmat Banain Us Ko Bura Ya Nalaiq Nahi Kahain Q K Apka
Bacha Hi Har Baar Bura Nahi Ho Sakta. Ap Waledain Hain Jub Apka Bacha Apki Nahi
Samjh Pa Raha To Kiya Wo Dosray Sy Pitnay Ya Dantt Sunnay K Baad Samjh Jay Ga.
Ap K Yun Sub K Samnay Apnay Bachay Ki Kami Batanay Sy Us Ka Dil Murjha Jata Hay
Q K Waledain Aik Bachay K Sub Sy Qareeb Hotay Hain Q K Us Ko Aik Toffee Sy Lay
Kar Computer Ya Garri Tak Kuch Bhi Chahiye Hota Hay To Wo App K Pass Hi Ata
Hay...Ap K Is Tarz E Ammal Sy Apka Bacha Ap Sy Dour Ho Sakta Hay Aur Phir Wo
Ghalat Logoon Ki Suhbat Main Paar Sakta Hay Q K Jub Ap Hi Uski Baat Nahi Sunain
Gain Aur Uski Kammi Ko Sub K Samnay Beyan Karain Gain To Wo Bahar Apki Muhabbat
Ki Kami Ko Pura Kar Sakta Hay..
Faisla Apko Karna Hay Q K Bachoon Ki Bhi Aik Self Respect Hoti Hay Jisay Majroh
Nahi Hona Chahiye..............