'Ammi Main Doctor Ki Parhae
Nahi Kar Sakti Mera Rujhan Nahi Hay Us Taraf....Ap Q Nahi Samajh Rahi" Arzoo Nay
Apni Ammi Ko Samjhatay Huy Kaha. "Main Nay Tmhain Keh Dia' To Bus Keh Dia Tum
Doctor Hi Bano Gi Ya Teaching Kar Lo Bus" Zahida Begum Nay Apni 19 Saal Ki Beti
Per Takreeban Chekhtay Huay Kaha Aur Baat Khatam Kar Di......
Ye Kam O Besh Har Ghar Main Honay Wali Taqrar Hay. Aik Bacha Duniya Main Ata
Hay..Waledin Ko Sub Mubarak Bad Daytay Hain Buhat Acha Lagta Hay...Waledain Ko
Us Bachay Ki Masoom Harkatoon Sy Aur Qudrati Toor Per Us Bachay Sy Itni Muhabbat
Ho Jati Hay K Apni Jaan Tak Usko Day Daytay Hain.....Apna App Waqf Kar Daytay
Hain. Bachpan Sy Jawani Tak Jo Ap Sahi Samajhtay Hain Wo Ap Apni Aulaad K Liye
Kartay Hain.....Hamay Daar Lagta Hay K Hamary Bachay Abhi Buhat Chotay Hain Wo
Logo Ki Ghalat Batoon Main Aa Kar Apna Bura Na Kar Bethy......Magar Ham Apnay
Daar Ki Waja Sy Apnay Bachoon Ko Apna Adii Bana Rahay Hain Unka Self Confidance
Khatam Kar Rahay Hain.....Unko Un K Choty Choty Faisaly Khud Karnay Dain.....Unko
Mashwara Dain Har Pehloo Samjahain Magar Faisala Khud Karnay Dain. Larkiun Per
Apna Etibar Qaim Karain...Un K Faisloon Main Unka Sath Dain.Zarori Nahi K Ruab
Main Ya Gussay Sy Chekh Kar Hi Ap Baat Manwa Saktay Hain.Wo Baat Hi Kia Manwae
Jjo Gussay Sy Manwae....Bachoon Ko Unki Batoon Per Appriciate Karain Apki Choti
Si Appriciation Unka Hosla Barha Dayti Hay.....Apnay Bachoon Ka Sath Dain Q K
Unho Nay Abhi Urrna Sekha Hay Wo Har Har Urraan Per Apki Taraf Dekhtay Hain.....