مشہور ناول نگار " شیکسپئیر " کا مشہور
مقولہ ہے :
" یہ دنیا ایک سٹیج ڈرامہ ہے ، جہاں ہر شخص مقررہ وقت پر آتا ہے اور اپنا
کردار ادا کرکے رخصت ہوجاتا ہے "
اگر دیکھا جائے تو سوچ کے بحر بےکراں میں غوطہ زن ہونے کے بعد عقل و خرد
بھی اسی نتیجے پر پہنچتی ہے کہ دنیا کی یہ رنگ آرائیاں ، افسوں محبت ثابت
ہوتی ہیں اور ولولہ انگیزیاں مہیّا کرکے زندگی کو متحرک اور جاندار بنائے
رکھتی ہیں .
تفنّن طبع کا یہ سامان نہ ہوتا تو زندگی ساکت و جامد ہو کر خفقانی کا نخچیر
بن جاتی اور یوں اس کی حیثیت محض دشت کی سی رہ جاتی جہاں ویرانیاں ڈیرے
ڈالے رہتی ہیں .
ایک سٹیج ڈرامہ اس وقت تک کامیابی سے ہمکنار نہیں ہوسکتا جب تک کہ اس کے
تمام تر کردار خود کو ہدایتکار کے حکم اور اشاروں کا پابند نہ کرلیں ،
بالکل اسی طرح کائنات کے خالق و مالک کی مرضی و منشاء کے تابع ہوئے بغیر
زندگی کی کامیابی کی کوئ ضمانت اور گارنٹی نہیں.
دنیا و آخرت کی تمام تر بھلائیوں اور فلاح کےحصول کی واحد کنجی اسی ایک
نکتے میں مضمر ہے .
از قلم : بنت میر |