BESHAAM Kay Qasbay Numa Shaer
Nay Andhray Ki Chadar Urhna Shuro Ker Dee Thee Darya E Sind Ka Pani Pehlay
Neelgon Hua Fer Siah Or Ubh Safaied Jahgh Ki Manind Nazar Aa Raha Thaa Magar Uss
Kay Pani Ki Awaaz Kici Munh Zor Badmast Jawaani Ki Tra Shore Macha Rahee
Thee,,,,,Khan Saab Ajh Tu Kuch Acha Saa Dinner Karwa Dijiye Niaz Kay Pait Kay
Sabar Kaa Paimana Labraiz Hu Chucka Tha Navid Nay Sanjeeda Saa Munh Banatay Hua
Kaha Ye Baat Hum Is Ko Barson Say Kah Rahay Hein Or Ye Dosra Kaan Asee Baton Kay
Exit Kay Liye Hee Use Karta Hay Werna Iss Kay Pas Dosray Kaan Ka Koi Or Musaref
Raha Nahi Kalim Nay Humaray Chiknay Garhay Hunay Pr Stamp Laga Dee Ye 8 December
Ko Nahi Balkay 6 June Ko Paida Hua Tha Jabh Koi Ishaq Dar Jasa Minister For
Finance Budget Pesh Kar Raha Tha Uss Waqt Say Iss Ki Janam Kundlee Mein Kanjoosi
Likh Dei Gai Hay Sohail Nay Humaree Hunay Wali Insult Mein Apna Hisaa Dala ,,Hum
Muskaranay Lagay Kici Khisiyaani Billi Ki Tra Nahi Balkay Kici Dheet Minister Ki
Tra Hum Nay Zor Say Niaz Kay Natowaan Kandhay Par Hath Mara ,,Ajh Teri Aish Hay
Bacha Daal Kay Sath Bhut Saa Salaad Kha Laina Uss Par Cold Drink Fer Chai Or Kia
Chaiye Hum Kici Mughal Badsha Ki Tra Uss Kay Dinner Ka Taj Mahal Tameer Kar
Rahay Thay Niaz Nay Humaree Darya Dilli Ka Koi Khaas Notice Nahi Lia Bola Salaad
Tu Free Mein Mil Hi Jata Hay Koi Uloo Hii Yahan Aa Kar Yaha Kay Pani Kay Bajaye
Cold Drink Piye Ga ,,,Khan Saab Koi Murgh Shuragh Koi Karhaaee Fraiee Sath Mein
Naan Til Walay Katy Hui Huree Merch Namak Wali Lasi Fer Usi Charpaiee Par
Lambhee Taan Kay Cigrete Ka Packet Khali Karein Fer Thnaday Pani Say Munh Hath
Ki Service Niaz Nay Asa Dinner Kaa Naqsha Khencha Kay Humaray Munh Mein Mein
Pani Aa Gia Mein Nay Kaha Niaz Tu Kitni Achee Batein Karta Hay Ajh Tu Pait Bhar
Gia Ubh Suabh Kaa Nashta Hee Karein Gay,,,,Wo Bee Agar Tu Nay Raat Ko Nashtay
Kaa Asa Naqsha Nahi Khencha Tu Werna Nashta Bee Ghaieb Navid Nay Niaz Ko Masnoi
Ghusay Say Asa Kaha Kay Niaz Kaa Munh Asa Ban Gia Jasay Koi Shohar Mahinay Kay
Shuro Mein Khushi Khushi Bv Kay Hath Tankhaa Rakhta Hay Or Bv Kay Munh Banay Par
Or Pori Ki Pori Rakh Lanay Par Shohar Kaa Ban Jata Hay(Jaaree Hay)