سنگی ساتھی

میں اس سنسان بستی کی پرهول گلیوں سے هوتا هوا اپنے ویران مکان کے اس آباد کمرے میں تنها آ بیٹھا هوں_ وحشتوں کی کالی ڈائینیں منڈیروں اور آنگنوں میں رقص کرنے میں مصروف هیں_____ ساعت_نیم شب محو_خرام هے_____ آسمان کسی حسین عورت کی اترن جیسا هے که جس میں حسن جلوه فرما نهیں_____

چاند راه زنوں کے نرغے میں هے که اپنی منزل تک نهیں پهنچ سکا______یه ایک کالی___ وحشی____ اور اکیلی رات هے_______ اس شجر هائے شب کو کسی درد کی سیاه امربیل نے جکڑ لیا هے______ دنیا اپنے اندر نیند کا زهر اتار چکی هے____هاں شاید دنیا خود کشی کر چکی هے______ ایک هو کا عالم هے______ مگر دور جنگل میں گیدڑ جشن منا رهے هیں یا انسانیت کی موت پر آه و بکا کر رهے هیں اور صف_ماتم بچھائے نوحه کناں هیں____اور شاید اسی غم میں باد_صرصر گلیوں کی نکڑوں, مکانوں کے دریچوں اور کھڑکیوں سے سر پھوڑ رهی هے____

ایک ایک یاد مل کر میلے کی شکل اختیار کر چکی هے اور میں ویران مکان کے اس آباد کمرے میں بیٹھا اپنے سلگتے هوئے سگریٹ سے اٹھتے هوئے خم دار دھویں کو کمرے کی فضا میں تحلیل هوتے هوئے دیکھ رها هوں اور جب سگریٹ کی راکھ کی طرف نظر کرتو هوں تو فصیل_جسم میں دھڑکتے هوئے دل کی خواهشوں کی بجھی هوئی راکھ سلگنے لگتی هے_________

ایک کرب هی کرب هے که حد_نگاه تک پھیلا هوا هے______گویا کوئی بے کنار صحرا______اور کتنے هی غربت زده مسافر هیں جو حالات کی تپش اور پیاس کے هاتھوں اس دشت _بے کنار میں دم توڑ دیتے هیں اور پھر کوئی قافله ادھر سے گزرتا هے تو ان کو ان کے بوسیده کپڑوں سمیت دفنا دیتا هے_____یه اجنبی لوگوں کے احسانات هیں______بےلوث احسانات_____!!!

اور اکثر آشنا مل کر ایسا متعفن ماحول قائم کرتے هیں که جس میں پاکیزه زندگی کا دم گھٹنے لگتا هے______ هاں آشنا یار ایسا کرتے هی رهتے هیں____یه ریا کار آشنا دوست هیں یا دشمن______
محسن نقوی کهتا هے_____
محسن ریا کے نام پر ساتھی تھے بے شمار
جن میں تھا کچھ خلوص وه دشمن بھی چند تھے
بڑے استاد هوتے هیں یه ریاکار یار بھی_____یه همارے گرد ایک حلقه بنائے رکھتے هیں______محبتوں کا چاهتوں کا اقرار کرتے هیں مگر یه بے لوث نهیں_____
فرحت عباس شاه نے کها____
میں دے رها تھا سهارے تو اک هجوم میں تھا
جو گر پڑا تو سبھی راسته بدلنے لگے

هاں_____ یه لوگ متعفن ماحول ایجاد کرتے هیں_____ میں اپنے ویران مکان کے اس آباد کمرے میں بیٹھا هوں______ میرے سامنے ساکت میز هے که جس پر میری کتابوں کے اوراق متحرک هیں_____ان کتابوں کے معطر الفاظ جب گنگناتے هیں تو وحشتیں بھاگنے لگتی هیں_____ان کتابوں کے الفاظ اور میرے سلگتے سگریٹ سے اٹھنے والی خوشبو نے اس کمرے کے ماحول کو معطر و پاکیزه بنا رکھا هے_____ میری تنھائی میرے ساتھ پر خلوص هے_____میرے کتاب میلے میرے هم نوا______میرے سنگی ساتھی!!!!
(ارسلان ارسل کے لیے لکھا گیا)