ﺍﺳﮯ ﻧﯿﭧ ﭘﺮ ﺍﺱ ﻟﮍﮐﯽ ﺳﮯ ﺑﺎﺕ ﮐﺮﺗﮯ
ﺗﯿﺴﺮﺍ ﺩﻥ ﺗﮭﺎ، ﺁﺝ ﺍﺱ ﻧﮯ ﺗﮩﯿﮧ ﮐﺮ ﺭﮐﮭﺎ ﺗﮭﺎ ﮐﮧ ﺁﺝ ﺍﺱ ﻟﮍﮐﯽ ﮐﻮ ﺩﯾﮑﮭ ﮐﺮ ﮨﯽ ﺭﮨﮯ
ﮔﺎ ، ﺍﭘﻨﯽ ﭼﮑﻨﯽ ﭼﭙﮍﯼ ﺑﺎﺗﻮﮞ ﺳﮯ ﻟﮍﮐﯿﻮﮞ ﮐﻮ ﺷﯿﺸﮯ ﻣﯿﮟ ﺍﺗﺎﺭﻧﮯ ﮐﺎ ﻓﻦ ﺍﺳﮯ ﺧﻮﺏ ﺁﺗﺎ
ﺗﮭﺎ ﻣﮕﺮ ﺟﺎﻧﮯ ﮐﯿﻮﮞ ندا ﻧﺎﻣﯽ ﯾﮧ ﻟﮍﮐﯽ ﺍﺳﮑﯽ ﺑﺎﺗﻮﮞ ﻣﯿﮟ ﮨﯽ ﻧﮩﯿﮟ ﺁ ﺭﮨﯽ ﺗﮭﯽ ﺟﺘﻨﺎ
ﺍﺻﺮﺍﺭ ﮐﯿﺎ ﻣﮕﺮ ﺍﺱ ﮐﺎ ﺟﻮﺍﺏ ﭘﮑﯽ ﻧﺎﮞ ﺗﮭﺎ!
ﻋﺎﻣﺮ ﮐﺎ ﺗﻌﻠﻖ ﺍﻭﺑﺎﺵ ﻟﮍﮐﻮﮞ ﮐﮯ ﺍﯾﮏ ﺍﯾﺴﮯ ﮔﺮﻭﮦ ﺳﮯ ﺗﮭﺎ ﺟﻮ ﻣﻌﺼﻮﻡ ﺍﻭﺭ ﻧﺎﺩﺍﻥ
ﻟﮍﮐﯿﻮﮞ ﮐﻮ ﺑﮭﻼ ﭘﮭﺴﻼ ﮐﺮ ﺍﻥ ﮐﯽ ﺗﺼﺎﻭﯾﺮ ﺍﻭﺭ ﻭﯾﮉﯾﻮﺯ ﺑﻨﺎ ﮐﺮ ﺍﻥ ﮐﻮ ﺑﻠﯿﮏ ﻣﯿﻞ ﮐﺮﺗﮯ
ﺗﮭﮯ ، ﺁﺝ ﻭﮦ ﺩﻭﺳﺘﻮﮞ ﺳﮯ ﺷﺮﻁ ﻟﮕﺎ ﮐﺮ ﺁﯾﺎ ﺗﮭﺎ ﮐﮧ ﺍﺱ ﻟﮍﮐﯽ ﮐﻮ ﭘﭩﺎ ﮐﺮ ﮨﯽ ﭼﮭﻮﮌﻭﮞ
ﮔﺎ ! ﺍﺱ ﻧﮯ ﺍﯾﮏ ﭘﻼﻥ ﺑﻨﺎﯾﺎ ﺍﻭﺭ ﺷﯿﻄﺎﻧﯽ ﻣﺴﮑﺮﺍﮨﭧ ﮐﮯ ساتھ ﻧﯿﭧ ﺁﻥ ﮐﯿﺎ ، ﻭﯾﺐ ﮐﯿﻢ
ﺳﯿﭧ ﮐﯿﺎ ، ندا ﮐﻮ ﺍﯾﮏ ﻣﯿﺴﺞ ﮐﯿﺎ ﺍﻭﺭ ﺍﻧﺘﻈﺎﺭ ﮐﺮﻧﮯ ﻟﮕﺎ ﮐﮧ ﻭﮦ ﮐﺐ ﺁﻥ ﻻﺋﻦ ﮨﻮ ﮔﯽ،
کچھ دیر ﺑﻌﺪ ندا ﮐﺎ ﻣﯿﺴﺞ ﺁﯾﺎ ﮐﮧ ﺟﯽ ﻓﺮﻣﺎﺋﯿﮯ ﮐﯿﺎ ﺿﺮﻭﺭﯼ ﺑﺎﺕ ﮨﮯ ﺟﻮ ﺁﭖ ﮐﻮ
ﭘﻮﭼﮭﻨﯽ ﮨﮯ ؟
ﺍﺱ ﻧﮯ ﺟﻮﺍﺏ ﺩﯾﺎ ﮐﮧ ﻣﺠﮭﮯ ﺍﺑﮭﯽ ﺍﯾﮏ ﺍﻭﺭ ﺩﻭﺳﺖ ﮐﺎ ﻣﯿﺴﺞ ﺁﯾﺎ ﮨﮯ ﺟﺲ ﻧﮯ ﺑﺘﺎﯾﺎ ﮐﮧ
ﺁﭖ ﺣﻘﯿﻘﺖ ﻣﯿﮟ ﻟﮍﮐﯽ ﮨﻮ ﮨﯽ ﻧﮩﯿﮟ ، ﺁﭖ ﺗﻮ ﮐﻮﺋﯽ ﻟﮍﮐﺎ ﮨﻮ ﺟﻮ ﻣﺠﮭﮯ ﺑﯿﻮﻗﻮﻑ ﺑﻨﺎﺭﮨﯽ
ﮨﻮ ، ﺍﺏ ﺗﻮ ﻣﺠﮭﮯ ﺑﮭﯽ ﺁﭖ ﮐﯽ ﭘﺮﻭﻓﺎﺋﻞ ﭘﺮ ﺷﮏ ﮨﮯ ، ﺍﺏ ﺁﭖ ﮨﯽ ﮨﯿﮟ ﺟﻮ ﻣﯿﺮﮮ ﺍﺱ ﺷﮏ
ﮐﻮ ﺩﻭﺭ ﮐﺮ ﺳﮑﺘﯽ ﮨﯿﮟ ، ﺁﭖ ﻣﺠﮭﮯ ﺍﭘﻨﺎ ﻓﻮﻥ ﻧﻤﺒﺮ ﺩﮮ ﺩﯾﮟ ﯾﺎ ﭘﮭﺮ ﺗﮭﻮﮌﯼ ﺩﯾﺮ ﮐﯿﻠﺌﮯ
ﺍﭘﻨﺎ ﻭﯾﺐ ﮐﯿﻢ آﻥ ﮐﺮ ﺩﯾﮟ ﺗﺎ ﮐﮧ ﻣﯿﺮﺍ ﺷﮏ ﺩﻭﺭ ﮨﻮ ﺟﺎﺋﮯ-
ندا (ﺍﻧﮑﺎﺭ ﮐﺮﺗﮯ ﮨﻮﺋﮯ): ( ﻣﻌﺎﻑ ﮐﺮﻧﺎ ﻣﯿﮟ ﺍﯾﺴﺎ ﮐﺎﻡ ﻧﮩﯿﮟ ﮐﺮ ﺳﮑﺘﯽ ، ﻣﯿﮟ ﺍﯾﮏ
ﺷﺮﯾﻒ ﻟﮍﮐﯽ ﮨﻮﮞ
ﺎﻣﺮ : ﺩﯾﮑﮭﯿﮟ ﻣﯿﮟ ﺑﮭﯽ ﺍﯾﮏ ﺷﺮﯾﻒ ﻟﮍﮐﺎ ﮨﻮﮞ ، ﺩﻭ ﻣﻨﭧ ﮐﯽ ﺗﻮ ﺑﺎﺕ ﮨﮯ ، ﻣﯿﮟ ﻗﺴﻢ
ﮐﮭﺎﺗﺎ ﮨﻮﮞ ﮐﮧ ﻣﯿﮟ ﺁﭖ ﮐﺎ ﺑﮭﺮﻭﺳﮧ ﮐﺒﮭﯽ ﻧﮩﯿﮟ ﺗﻮﮌﻭﮞ ﮔﺎ ، ﺁﭖ ﮐﻮ ﮐﺒﮭﯽ ﺗﻨﮓ ﻧﮩﯿﮟ
ﮐﺮﻭﮞ ﮔﺎ ، ﺍﭼﮭﺎ ﺍﭘﻨﯽ ﺗﺴﻠﯽ ﮐﯿﻠﺌﮯ ﺁﭖ ﯾﻮﮞ ﮐﺮﯾﮟ ﮐﮧ ﻭﯾﺐ ﮐﯿﻢ ﭘﺮ ﺁ ﺟﺎﺋﯿﮟ ، ﻓﯽ
ﺍﻟﺤﺎﻝ ﺍﭘﻨﺎ ﭼﮩﺮﮦ ﻣﺖ ﺩﮐﮭﺎﺋﯿﮟ ، ﺁﻭﺍﺯ ﮨﯽ ﺳﻨﻮﺍ ﺩﯾﮟ-
ندا : ﮨﻤﻤﻤﻢ ﺳﻮﭼﺘﯽ ﮨﻮﮞ
ﺎﻣﺮ (ﻭﺍﺭ ﮐﺎﺭﯼ ﭘﮍﺗﺎ دیکھ ﮐﺮ) : ﺍﺏ ﺍﻭﺭ ﮐﯿﺎ ﺳﻮﭼﻨﺎ ، ﺁﭖ ﺍﭼﮭﯽ ﻟﮍﮐﯽ ﮨﻮ ﺍﻭﺭ ﺁﭖ
ﮐﮯ ﺳﺨﺖ ﺭﻭﺋﯿﮯ ﮐﯽ ﻭﺟﮧ ﺳﮯ ﻣﯿﺮﮮ ﺩﻝ ﻣﯿﮟ ﺁﭖ ﮐﯽ ﻗﺪﺭ ﺍﻭﺭ ﺑﮍﮪ ﮔﺌﯽ ﮨﮯ، ﻣﯿﮟ ﺁﭖ ﺳﮯ
ﮨﻤﯿﺸﮧ ﮐﯽ ﺩﻭﺳﺘﯽ ﭼﺎﮨﺘﺎ ﮨﻮﮞ ﺍﻭﺭ ﮐﺒﮭﯽ ﻣﺎﯾﻮﺱ ﻧﮩﯿﮟ ﮐﺮﻭﮞ ﮔﺎ !
ندا : ﺍﻭﮐﮯ ، ﻣﯿﮟ ﺻﺮﻑ ﺗﮭﻮﮌﯼ ﺩﯾﺮ ﮐﯿﻠﺌﮯ ﻭﯾﺐ ﮐﯿﻢ ﺁﻥ ﮐﺮﻭﮞ ﮔﯽ ، ﭼﮩﺮﮦ ﻧﮩﯿﮟ
ﺩﮐﮭﺎﺅﮞ ﮔﯽ ﮐﯿﻮﻧﮑﮧ ﺑﮭﺎﺋﯽ ﻧﮯ ﺳﺨﺘﯽ ﺳﮯ ﻣﻨﻊ ﮐﯿﺎ ﮨﻮﺍ ﮨﮯ ، ﻣﯿﮟ ﺍﻧﮑﺎ ﺑﮭﺮﻭﺳﮧ ﻧﮩﯿﮟ
ﺗﻮﮌ ﺳﮑﺘﯽ ، ﺻﺮﻑ ﺁﻭﺍﺯ ﺳﻦ ﻟﯿﻨﺎ ﺗﺎ ﮐﮧ ﺁﭖ ﮐﺎ ﺷﮏ ﺩﻭﺭ ﮨﻮ ﺟﺎﺋﮯ !
ﻋﺎﻣﺮ ﺑﮩﺖ ﺧﻮﺵ ﺗﮭﺎ ﮐﮧ ﭼﻠﻮ ﺍﺑﮭﯽ ﺍﺗﻨﺎ ﺗﻮ ﻣﺎﻧﯽ ، ﺁﮬﺴﺘﮧ ﺁﮬﺴﺘﮧ ﺍﺗﺎﺭ ﻟﻮﮞ ﮔﺎ ﺷﯿﺸﮯ
ﻣﯿﮟ !
ﻭﯾﺐ ﮐﯿﻢ ﺁﻥ ﮨﻮﺗﮯ ﮨﯽ ﺍﺱ ﺳﮯ ﭘﮩﻠﮯ ﮐﮧ ندا ﻋﺎﻣﺮ ﮐﻮ ﺩﯾﮑﮭ ﭘﺎﺗﯽ ﻋﺎﻣﺮ ﮐﯽ ﺁﻧﮑﮭﯿﮟ
ﭘﮭﭧ ﮔﺌﯿﮟ ﺍﻭﺭ ﻭﮦ ﺑﺠﻠﯽ ﮐﯽ ﺳﯽ ﺗﯿﺰﯼ ﺳﮯ ﭘﯿﭽﮭﮯ ﮨﭩﺎ ﺟﯿﺴﮯ ﺍﺳﮯ ﮐﺴﯽ ﺳﺎﻧﭗ ﻧﮯ ﮈﺱ ﻟﯿﺎ
ﮨﻮ ﺍﻭﺭ ﮐﺮﺳﯽ ﭘﺮ ﮔﺮ ﮐﺮ ﺑﺮﯼ ﻃﺮﺡ ﮐﺎﻧﭙﻨﮯ ﻟﮕﺎ ، ﮐﻤﺮﮮ ﮐﯽ ﭘﭽﮭﻠﯽ ﺩﯾﻮﺍﺭ ﭘﺮ ﭨﻨﮕﯽ
ﺩﮬﻨﺪﻟﯽ ﺳﯽ ﻧﻈﺮ ﺁﺗﯽ ﺗﺼﻮﯾﺮ ﺍﺱ ﮐﮯ ﺍﭘﻨﮯ ﻭﺍﻟﺪﯾﻦ ﮐﯽ ﺗﮭﯽ ﺍﻭﺭ ﺍﺳﯽ ﺩﯾﻮﺍﺭ ﮐﮯ ﮐﻮﻧﮯ
ﭘﺮ ﻃﺎﻕ ﻣﯿﮟ ﺭﮐﮭﯽ ﮨﻮﺋﯽ ﮔﮍﯾﺎ ﺟﻮ ﺍﺱ ﻧﮯ ﺍﭘﻨﯽ ﭼﮭﻮﭨﯽ ﺑﮩﻦ ﮐﻮ ﻻ ﮐﺮ ﺩﯼ ﺗﮭﯽ۔ |