Behosh Jo Paray Hain Shayad Unhen Jaga De!
(Shahrukh khan baloch, Sahiwal)
Zardari Ne Mulk Loot Lia !
Saray Siasatdaan Rishwat Khor Be Iman Hain !
Amrika Hamara Subse Bara Dushman Hai !
Atom Bomb Bana To Lia India Pe Phorte Qiun Nahin ?!
Aur Najane Kia Kia .
Hamari Qaum Aur Kuch Kare Na Kare Ise Andhi Tankeed Main Ise Bara Maza Aata Hai
. Taleem Hasil Karna Har Musalman Mard Aur Aurat Per Farz Hai Bari Achi Baat Hai
! Dil Ko Lagti Hai Lekin Agar Koi Malala Yeh Baat Kar De Aur Dunya Tak Islam Ka
Aur Pakistan Ka Positive Chehra Le Aye To Yeh DRAMA Hai Aur Amriki Saazish Hai
Khufia Ijansion Ka Kaam Bhi To Sakta Hai.
Atom Bomb Maro Amrika Per India Per Pasandida Mulk Qiun Qarar Dia India Ko? Meri
Jaan ! Amrika Per Bomb Maren Aur 35 Nato Mumalik Ko Apna Dushman Bana Len Phir
To Ghair Muslim Theek Kehte Hain Kay Musalman Dehshat Gard Hain Jo Bila Waja
Bomb Marte Phir Rahay Hain .
Ik Baat Batao Tum Fail Ho Gaye Imtehan Main Tumhen Zardari Ne Kaha Tha Sari Sari
Raat Facebook Per Chating Men Lagay Raho Tum Sara Din Apne Office Men Beth Kar
Rishwat Khate Ho Aur Ghar Aa Kar Kehte Ho Bhai Zamana Bara Kharab Hai Aisa
Tumhen Rishwatkhor Hukumran Ne Kaha Tha?
Hamara Subse Bara Dushman Amrika Israel Ya India Nahin Hum Khud Hain ! Kehte Ho
Hukumat Girane K Liye March Karenge Ehtjaj Karenge Kia Milega Is Se? Wohi Hal
Hoga Syria Ka Hua Misr Ka Hua Hukumat To Gir Gayi Lekin Phir Amrika Ghus Aya .
Kehte Ho Hukumat Qarz Leti Hai Bheek Leti Hai Agar Bheek Na Le Tou Tumhari
Salary Bhi Dene Kay Qabil Nahin Haan Agar Ehtjaj Karne Ka Ziada Hi Shauk Hai Toh
Nikal Ao Bahar Karo Mutalba Kay Hum Bheek Nahin Lenge Hamay Nahin Chahiye Bheek
Men Mili Salary Hum Bhokhe Mar Jayenge Lekin Bheek Kabhi Nahin Lenge Phir
Zardari To Kya Uska Baap Bhi Bheek Nahin Mange Ga .Yehi Karte The Islami Tareekh
Kay Azeem Musalman Ghaerat Thi Na Un Men Apne Quwate Bazoo Per Kamate The Unhoon
Ne Kabhi Apni Behan Ka Gala Nahin Kata Tha Jise Tum Aj Ghairat Kehte Ho .
Mere Ek Karne Se Kia Ho Jae Ga? Yehi Pochte Hain Na Khud Se Bhai Qatra Qatra Kar
Kay Hi To Samandar Banta Hai.
Apni Rae Dene Ka Sub Ko Haq Hai Tumhen Bhi Mujhe Bhi Lekin Dusron Kay Kirdaar Ko
Bura Kehne Se Pehle Humhen Apne Girebaan Main Jhankna Chahiye.
You Can Contact Me At Facebook.Com/Srkb007