Ek Bare Se Khel Ke Maidan Mein
Mehelle Ki Team Ka Cricket Match Khela Jaraha Tha.Bowller Line Aur Length Per
Bowling Kar Raha Tha Jabke Batsman Singal Double Runs Le Raha Tha Aur Kabhi
Ooncha Shot Laga Ke Choka Ya Chakka Bhi Mar Deta Tha.Sab Tamashai Khel Se
Bharpoor Tareeqe Se Lutfandoz Ho Rahe They.Waheen Maidan Mein Unhi Players Ka
Hum Umr Magar Basalahiat Aur Un Se Zara Ziada Tajarbe Kar Player Bhi Khara Match
Dekh Raha Tha Ke Achanak Uske Dil Mein Apni Barai Aur Ahmiat Dikhane Ka Khayal
Aaya.Wo Batsman Ke Pas Gaya Aur Us Se Kaha"Lao Bat Mujhe Do.Main Batata Hoon Ke
Runs Ka Dher Kaise Lagate Hain"Batsman Ne Khamoshi Se Bat Usey Dia Aur Khud Door
Hat Ker Uski Batting Dekhne Laga.Naey Player Ne Bohat Josh Mein Aake Ek Kafi
Ooncha Shot Khela Aur Boundry Ke Qareeb Mojood Fielder Ke Hathon Aasani Se Catch
Out Hogaya.Ab Usey Dil Hi Dil Mein Bari Sharmindgi Hui Lekin Aietraf-E-Shikast
Karne Ki Himmat Na Thi Tou Apni Khajalat Chupane Ke Liey Ye Keh Ker Chala
Gaya"Dekha Tum Ne Main Ye Hi Sikhana Chahta Tha Ke Aiese Nahin Khelte Warna
Jaldi Out Hojate Hain"Tamam Players Usey Hairan Pareshan Ho Ker Dekhte Reh Gaey.