A.O.A,
Aik Dafa Hazrat Musa(A.S) Nay ALLAH Se Pocha K Ya ALLAH Janat(Paradise) Main
Mere Sath Koon Ho Ga. To ALLAH Nay Fermaya Falaan Qasai(Butcher). To Hazrat
Musa (A.S) Pareshan Ho Gay. Socha Ma Rasool Or Meri Janat Ka Sathi Qasai.
Hazrat Musa(A.S) Bazar Gay To Dekha Wo Qasai Gosht Beach Raha Tha. App (A.S)
Us Ko Dakhte Rahay. Jab Us Qasai Ne Gosht Sale Kar Diya Or Apni Dukan Band
Kar K Ghar Janay Laga To Musa(A.S) Ne Us Qasai Say Pocha Kiya Main Tumharay
Sath Aa Sakta Hoon. Us Nay Kaha Aa Jao. Us Qasai Ko Ye Pata Nahi Tha K Ye
Musa (A.S) Hain. Jab App Us K Ghar Gay To Dakha Us Nay Gosht Ko Saaf Kiya
Phir Pakaya Or Sab Say Pehlay Apni Maan Ko Diya Us Ko Apnay Hath Say Khilaya
Jab Us Nay Achi Tarah Kah Liya To Us Ka Mu Saf Kiya. Phir Us K Baad Us Ko
Bister(Bed) Per Lata Diya To Us Ki Maan Us Ko Kuch Kehne Lagi. Jab Wo Wapis
Aaya To Musa (A.S) Ne Us Qasai Say Pocha Ye Koon Hai Or Ye Kiya Keh Rahi Thi.
Us Qasai Nay Aap (A.S) Ko Bataya Ye Meri Bemar Maan Hai. Main Her Roz Asay
Hi Is Ki Khidmat Karta Hoon. Or Wo Baad Main Mujay Dua Deti Hai K ALLAH
Karay To Musa Ka Janat Main Sathi Banay. Pagli Hai Na Ab Socho Main Kahan Or
Musa (A.S) Kahan.
Meri Bhanoo Or Bhayoo Dekho Ye Shan Hai Maan Baap Ki Azat Karne Ki. Or Aik
Hum Hain K Sari Umer Maan Baap Hum Ko Palte Hain Or Hum Sab Mil Kar 2 Maan
Baap Ki Khidmat Nahi Kar Sakte. Hamay Kuch Ho Jata Tha To Hamaray Waldain Ko
Nend Nahi Aati Thi Un Ko Sakoon Nahi Milta Tha. Or Aik Ajj K Youngster Hain
Jin Ko Koi Fikar Nahi Hoti. Maan Kuch Keh Day To Jawab Aata Hai "Maan Tum
Chup Karo Tum Ko Kuch Pata Hota Nahi Bas Boolti Rahti Hai". Koi Puchay Jab
Tum Bachay Thay Us Waqat Tum Sahi Kahray Thay Ajj Tum Bhare Ho Gay To Maan
Baap Ko Aqal Nahi Hai.Wo Maan Jo Khud Bhooki Rahi Lekin Tum Ko Khilaya. Wo
Maan Jis Nay Khud Purane Kapray Pehne Per Tum Ko Her Moqa Per Naye Kapray
Dilway. Wo Waldain Jinhoon Nay Apni Khawahish Ko Khatam Kar K Tumhari
Khawahish Puri Ki. Ajj Un Ko Aqal Nahi Hum Main Aqal Aa Gai Hai.Kuch To Ye
Kehtay Hain K Ye Old Age Ho Gay Hain Abb In Ka Damagh Sahi Kaam Nahi Karta.
In Ko Pata Nahi Chalta. Oh KHUDARA Azat Karo Maan Baap Ki. Socho Agar Ye Dua
Na Karte Tu Tum Aaj Yahain Na Hotay . Tum Jo Hoo Sab Waldain Ki Badolat Ho.
ALLAH K Liya Azat Karo. ALLAH Ko Shirik K Baad Sab Say Zayada Na Pasanddeda
Cheez Waldain Ki Azat Na Karna Hai.
Meri ALLAH Say Dua Hai K ALLAH App Ko Mujh Ko Hum Sab Ko Maan Baap Ki Azat
Karne Or Un Ki Khidmat Karne Ki Tofeeq Atta Fermay.(AMIN)
Islam Zindabad
Pakistan Zindabad
ALLAH Hafiz. |