غرباءاکثریتی ملک ہندستان میں
صاحب ثروت لوگوں کی تعداد بڑھتی جارہی ہے۔یو ایچ این ڈبلیو یعنی بڑے
دولتمندوں کی تعداد 8ہزار 2سو ہے اور ان کے کل اثاثے 945ارب ڈالر یعنی
47.58لاکھ کروڑ روپے جانچی گئی ہے۔یہ دولت ہندوستان کے سالانہ اسکل گھر یلو
پیداوار یعنی جی ڈی پی کے قریب 3چوتھائی کے مساوی ہیں۔
عالمی سطح پر جائیدادوں کا تخمینہ اور جائزہ لینے والی فرم ویلتھ ایکس کی
رپورٹ کے مطابق ان میں 115افراد کے پاس ایک ارب ڈالر سے زیادہ کے اثاثے
ہیں۔ان تمام 8ہزار 2سو افراد کے اثاثے ہندوستان کی کل معیشت کے 70فیصد کے
مساوی ہیں۔حالانکہ جائزے میں یہ نہیں بتایاگیا ہے کہ اثاثوں کی جانچ کیلئے
کن چیزوں کو بنیاد بنایا گیاہے۔رپورٹ میں یہ بھی کہا گیا ہے کہ ہندستان میں
کروڑ پتی لوگوں کی تعداد میںروزانہ اضافہ ہورہاہے۔ان میں سے کچھ توحال ہی
میں ارب پتی بنے ہیں۔ویلتھ ایکس کے مطابق یوایچ این ڈبلیو کی فہرست میں
شامل ہردولتمند کے پاس کم سے کم 3کروڑ ڈالر یا 151کروڑ روپے ہیں جبکہ 6ہزار
150ہندستانیوں کے قبضے میں 3کروڑ ڈالر 10کروڑ ڈالر تک کی جائیداد ہے۔تقریباً
9سودولتمندوں کے پاس 10کروڑ سے 20کروڑ ڈالر مالیت کی جائیداد ہے۔20کروڑ سے
50کروڑ ڈالرکی دولت رکھنے والے ہندستانیوں کی تعداد تقریباً 880ہے جبکہ
50کروڑ سے 99کروڑ ڈالر کے اثاثے 160ہندستانیوں کی ملکیت میں ہیں۔ رپورٹ میں
انکشاف کیا گیا ہے کہ 4ہزار 9سو60 ہندنژاد دولتمند کے پاس کل 465ارب ڈالر
یعنی 2ہزار 3سو 41کروڑ روپے کی دولت ہے۔ |