Insani Jism Mein 360 Jor Hotey
Hein Aur Her Jorr Ka Ek Sadqah Hota Hey Jo Rozana Ada Kerna Hota He. Log Sadqe
Se Murad Yeh Lete Hein Keh Kisi Ghareeb Ko Kuchh (Money) Di Jaey Jabkeh Ek
Hadees Key Mutabiq Apney Musalman Bhai Ki Taraf Muskura Key Dekhna Bhi Sadqah
Hey.
Isi Tarah Ek Dafa SUNHANALLAH Kehna Bhi Ek Sadqah Hey Aur Isi Tarah,
ALHAMDULILLAH, ALLAH-O-AKBAR, ASTAGHFIRULLAH, LA ILAHA ILLALLAH Kehna Bhi Apni
Apni Jagah Eke K Sadqeh Key Mutaradif Hein Aur Unkey Ada Kerney Per Jo Doosri
Ahadees Key Zerye Bataey Gaey Sawab Aur Inamaat Hein Wo Inke Alawa.
Agar Koi Muslaman Rozana Din Mein 100 Dafa SUNHANALLAH, 100 ALHAMDULILLAH, 100
Dafa ALLAH-O-AKBAR Aur 60 Dafa ASTAGH FIRULLAH Ya LA ILAHA ILLALLAH Kahey Tau
360 Joron Ka Sadqah Bhi Ada Hojaey Ga Aur Inkey Kehney Per Sawab Bhi Mil Jaeyga
Aur Agar Pancho Kalmey 100, 100 Dafa Keh Dey Tau 500 Dafa Kehney Ka Sawab Mil
Jaeyga.
Mukhtalif Ahadees Key Mukhtalif Mafhoom Ulma-E-Kiram Ney Bataey Hein Jo Hamarey
Liye Mashal-E-Raah Aur Hujjat Hein.
Qiamat Mein Ek Aisa Shakhs Bhi Paish Hoga Jiske Amaal Key 99 Dafater Paish
Hongey Jinki Lambai Chorai Be Inteha Hogi, Poochha Jaeyga Key Batao Eh Gunaho
Key 99 Dafater Tumharey Hi Hein, Wo Kaheyga Keh Yaan Mere Hi Hein, Phir Poochha
Jaeyga Keh Dekho Kahein Farishto Ney Kuchh Ghalat Tau Nahi Likh Dia, Wo Jawab
Dega Keh Nahi, Phir ALLAH PAK Fermaeinge Keh Tumhari Ek Naiki Merey Paas Mehfooz
Hey…Phir Us Shakhs Ko Kaghaz Ka Ek Purza Dia Jaeyga Keh Jis Per Likha Hoga "LA
ILAHA ILLAL LAH" Aur Us Sey Kaha Jaeyga Keh Jao Aur Iss Purze Ka Wazan Karao,
Tau Who Shakhs Kahey Keh Ya Allah, Yeh Purza Inn Tamam Gunaho Key Daftaro Key
Agey Kia Hesiat Rakhta Hey Tau Usey Jawab Dia Jaeyga Keh, Jao Aur Iska Wazan
Karao, Tau Wo Shakhs Ba Dil-E-Nakhowasta Jaeyga Aur Us Purzey Ka Wazan Karaeyga
Tau Uska Wazan Itna Bhari Hoga Keh Jis Palrey Mein Gunaho Key 99 Dafatir Honge
Wo Hawa Mein Urney Lagega Aurt Yeh LA ILAHA ILLALLAH Wala Palra Jhuk Jaeyga. Aur
Us Shakhs Ko JANNAT Mein Bhaij Dia Jaeyga.
Ek Khas Baat Jo Yad Rakhney Ki Hey Wo Yeh Keh Jo Bhi Amal Khuloos Key Saath Kia
Jaeyga Wo Ba Darje Khuloos Wazandar Hoga, Jitna Khuloos Ziadah Hota, Wazan Bhi
Utna Hi Ziadah Hoga.
Isliye Ham Jo Bhi Achha Amal Karey Wo Khuloos-E-Dil Sey Karein Takeh Uska Wazan
Ziadah Ho Aur Wo Hamein JANNAT Mein Lejaney Ka Zeriya Ho.