’’حضرت ابو شُریح رضی اللہ عنہ
سے مروی ہے کہ حضور نبی اکرم صلی اللہ علیہ وآلہ وسلم نے فرمایا : خدا کی
قسم! وہ مومن نہیں، خدا کی قسم وہ مومن نہیں، خدا کی قسم وہ مومن نہیں۔ عرض
کیا گیا : یا رسول اللہ! کون (مومن نہیں)؟ آپ صلی اللہ علیہ وآلہ وسلم نے
فرمایا : جس کا پڑوسی اس کی ایذا رسانی سے محفوظ نہیں
:: بخاری شریف کتابُ الأدَبِ، 5 / 2240، الرقم : 5670 ؛:؛ مسلم شریف کتاب
الإيمان، 1 / 68، الرقم : 46
’’حضرت ابوہریرہ رضی اللہ عنہ سے روایت ہے کہ حضور نبی اکرم صلی اللہ علیہ
وآلہ وسلم نے فرمایا : مومن اپنے بھائی کا آئینہ ہے، جب وہ اس میں کوئی
برائی دیکھتا ہے تو اس برائی کی اصلاح کر لیتا ہے۔
:: بخاری شریف ادب المفرد، 1 / 93، الرقم : 238،
’’حضرت ابوموسیٰ (اَشعری) رضی اللہ عنہ سے مروی ہے کہ حضور نبی اکرم صلی
اللہ علیہ وآلہ وسلم نے فرمایا : ایک مومن دوسرے مومن کے لئے ایک (مضبوط)
دیوار کی طرح ہے جس کا ایک حصہ دوسرے حصے کو مضبوط کرتا ہے، اور (اس بات کی
وضاحت کے طور پر) آپ صلی اللہ علیہ وآلہ وسلم نے اپنے دونوں ہاتھوں کی
انگلیاں ایک دوسرے میں ڈالیں۔
:: بخاری شریف کتابُ المَظَالِمِ، 2 / 863، الرقم : 2314
’’حضرت نعمان بن بشیر رضی اﷲ عنہما روایت کرتے ہیں کہ حضور نبی اکرم صلی
اللہ علیہ وآلہ وسلم نے فرمایا : مومنین کی مثال ایک دوسرے پر رحم کرنے،
دوستی رکھنے اور شفقت کا مظاہرہ کرنے میں ایک جسم کی طرح ہے، چنانچہ جب جسم
کے کسی بھی حصہ کو تکلیف پہنچتی ہے تو سارا جسم بے خوابی اور بخار میں اس
کا شریک ہوتا ہے۔‘‘
:: بخاری شریف کتاب الأدب، 5 / 2238، الرقم، 5665
’’حضرت ابوہریرہ رضی اللہ عنہ سے مروی ہے کہ حضور نبی اکرم صلی اللہ علیہ
وآلہ وسلم نے فرمایا : جو اللہ عزوجل پر اور روزِ قیامت پر ایمان رکھتا ہے
اپنے ہمسائے کو نہ ستائے، اور جو اللہ عزوجل اور روزِ قیامت پر ایمان رکھتا
ہے اپنے مہمان کی عزت کرے، اور جو اللہ عزوجل اور روزِ قیامت پر ایمان
رکھتا ہے منہ سے اچھی بات نکالے یا خاموش رہے۔‘‘
:: بخاری شریف کِتاب الأَدَبِ، 5 / 2240، الرقم : 5672،
’’حضرت انس بن مالک رضی اللہ عنہ سے مروی ہے کہ حضور نبی اکرم صلی اللہ
علیہ وآلہ وسلم نے فرمایا : تم میں سے کوئی اس وقت تک مومن نہیں ہو سکتا جب
تک وہ اپنے بھائی کے لئے بھی وہی پسند نہ کرے جو اپنے لیے پسند کرتا ہے۔
:: بخاری شریف کتاب الإِيْمَانِ، 1 / 14، الرقم : 13 |