آزادیِ اظہار یا آزادیِ دل آزاری؟ فیس بک!

گزشتہ کچھ عرصے سے تمام دنیا کے مسلمانوں کو مختلف طریقوں سے نشانہ بنایا جا رہا ہے اور ان کے احساسات کو مجروح کیا جا رہا ہے ایسا ہی ایک طریقہ ڈنمارک سے شروع ہوا۔ جس میں ایک گستاخ کارٹونسٹ نے ہمارے پیارے نبی حضرت محمد صلی اﷲ علیہ وآلہ وسلم کے گستاخانہ خاکے شائع کر کے تمام مسلمانوں کے دلوں کو ٹھیس پہنچائی۔ اب یہ سلسلہ چلتے چلتے ایک بین الاقوامی سوشل نیٹ ورکنگ کی ویب سائٹ فیس بک تک آ پہنچا ہے۔ جس پر اسے ایک مقابلے کی شکل دی گئی ہے اور اپنے یوزرز سے اس خاکوں کے مقابلوں میں شرکت کے لیے کہا گیا اور ساتھ ہی اس پر پیغام دیا گیا ہے کہ “اس مقابلے کا مقصد کسی کی دل آزاری کرنا نہیں ہے“ اور یہ پیغام آویزاں کر کے سمجھا جا رہا ہے کہ اب متعلقہ سائٹ تمام اخلاقی ذمہ داریوں سے بری الذمہ ہے۔ پاکستان میں اس ویب سائٹ پر رواں ماہ کے آخر تک عدالتی حکم کے تحت پابندی لگا دی گئ ہے۔

فیس بک کا یہ عمل کیا واقعی آزادیِ اظہار ہے یا پھر آزادی دل آزاری؟ آپ اس بارے میں کیا کہتے ہیں؟