وی وی آئی پی مومنٹ اور شہریوں کی مشکلات۔۔۔!

گورنمنٹ کی وی وی آئی پی مومنٹ نے شہریوں کو شدید مشکلات سے دو چار کر رکھا ہے اس کا اندازہ حال ہی میں کوئٹہ میں پیش آنے ایک واقعے سے لگایا جا سکتا ہے جس میں کوئٹہ میں وی آئی پی موومنٹ کے دوران ٹریفک جام ہونے کے باعث ایک خاتون نے رکشے میں بچے کو جنم دے دیا۔ مریضہ کی حالت اور صورتحال واضح کرنے کے باوجود پولیس نے ڈیڑھ گھنٹے تک رکشے کو روکے رکھا، جس کے نتیجے میں رکشے میں ہی بچے کی ولادت ہوگئی۔

یہ حال کسی ایک جگہ کا نہیں پورے ملک کا ہے جب بھی وی وی آئی پی موومنٹ ہوتی ہے تو شہریوں کو راستہ کھلنے کا گھنٹوں انتظار کرنا پڑتا ہے اور اسی وجہ سے وہ بروقت اپنی منزل مقصود تک نہیں پہنچ پاتے جس کی بعض اوقات انہیں بہت بھاری قیمت چکانی پڑتی ہے۔ کراچی کی شاہراہ فیصل پر وی وی آئی پی موومنٹ کی وجہ سے سن دو ہزار چھ سے اب تک ایک بیمار لڑکی سمیت کم ازکم پانچ افراد بر وقت اسپتال نہ پہنچائے جانے کے سبب ٹریفک جام میں پھنس جانے والی ایمبولینسوں میں دم توڑ چکے ہیں۔

آپ اس بارے میں کیا رائے دینا چاہیں گے؟