حال ہی میں بالی ووڈ سپر اسٹار سلمان خان کی رہائش گاہ کے باہر فائرنگ کا واقع دیکھنے میں آیا، جس کے بعد سے ہر طرف افراتفری مچ گئی تھی۔
واقعہ کے 48 گھنٹوں میں ہی بھارتی پولیس نے ملزمانوں کو پکڑ کے حراست میں لے لیا ہے۔
بھارتی میڈیا کے مطابق، گزشتہ اتوار کو گلیکسی اپارٹمنٹ میں سلمان خان کی رہائش گاہ کے باہر فائرنگ کا واقعہ پیش آیا تھا جس کے بعد ملزموں کی تلاش جاری ہوگئی تھی، اور اب فائرنگ میں ملوث 2 مشتبہ افراد کو گجرات کے بھوج ضلع سے گرفتار کیا گیا ہے۔
بھارتی میڈیا کے مطابق، 24 سالہ وکی گپتا اور 21 سالہ ساگر پال کو گرفتار کیا گیا ہے۔
ممبئی پولیس کے ایک اہلکار نے بتایا کہ، ملزمان اصل میں بہار کے رہنے والے ہیں جو 28 فروری کو ممبئی سینٹرل اسٹیشن پہنچے جہاں انہوں نے رائے گڑھ میں سلمان خان کے فارم ہاؤس سے تقریباً 13 کلومیٹر دور ایک گھر کرائے پر لیا تاہم یہ معلوم نہیں ہے کہ ملزمان نے فارم ہاؤس کی ریکی کی تھی یا نہیں۔
پولیس نے مزید بتایا کہ، انہوں نے کرائے کے گھر کے ایگریمنٹ اور موٹرسائیکل کی خریداری کے لیے دیے گئے دستاویزات کی مدد سے ملزمان کی شناخت کی جس کے بعد ملزمان کا سراغ لگانے کے لیے لوگوں اور دیگر ذرائع کا استعمال کیا گیا۔