ماموں کا بھانجے، بھانجیوں سے رشتہ خون سے زیادہ دوستی کا ہوتا ہے. کسی بات پر ناراضی ہو بھی جائے تو زرا سی کوشش سے خفگی کے تمام بادل چھٹ جاتے ہیں. ایسا ہی کچھ مشہور بھارتی اداکار گوندا اور ان کے بھانجے کرشنا کے درمیان ہوا.
گزشتہ ہفتے گووندا کی بھانجی آرتی سنگھ کی شادی ہوئی جس میں گوندا اچانک ہی شرکت کے لئے پہنچ گئے اور وہاں موجود سب رشتے داروں کو حیران کردیا.
واضح رہے کہ کامیڈین کرشنا ابھیشیک اور ان کی اہلیہ کشمیرا شاہ کے گزشتہ 8 برسوں سے گوندا اور ان کی بیوی خوش سنیتا کے ساتھ ناخوشگوار تعلقات تھے. جس کی وجہ سے دونوں ایک دوسرے سے بات بھی نہیں کرتے تھے اور کپل شرما شو میں گووندا کی آمد پر کرشنا شو چھوڑ کر بھی چلے گئے تھے.
البتہ بہن کی شادی میں سیاہ سوٹ میں گووندا نے انٹری دے کر کرشنا ابھیشیک کو خوشگوار حیرت میں ڈال دیا. کرشنا نے خوشی سے کہا ماما آگئے انھیں دیکھ کر بہت خوشی ہوئی ہے۔ جبکہ ان کی اہلیہ کشمیرا شاہ نے ہندو مذہب کی رسم نبھاتے ہوئے احتراما ً گووندا کے پاؤں بھی چھوئے.
گووندا نے بھانجی کو دعا دیتے ہوئے کہا کہ "میں اپنی بھانجی کے لئے نیک تمناؤں کا اظہار کرتا ہوں اور دعا کرتا ہوں کہ خدا اسے ہر بری نظر سے بچائے"