"ایسا نہیں ہوتا کہ اقرار میرے پاس آئیں اور مجھ سے پوچھیں کہ کیا میں دوسری تیسری شادی کر لوں، یہ میں کیسے کہہ دوں گی کہ آپ دوسری شادی کر لیں. لیکن ہر چیز میری آنکھ کے سامنے ہوتی ہے. میں جانتی ہوں کہ ایسا ہوگا"
یہ کہنا ہے معروف میڈیا پرسن قرۃ العین کا جنھوں نے گزشتہ دنوں اپنے شوہر اور معروف میڈیا پرسنیلٹی اقرار الحسن کے ساتھ ندا یاسر کے پروگرام میں شرکت کی.
شوہر کی تین شادیوں کے بارے میں پوچھے گئے سوال پر قرۃ کا کہنا تھا کہ انھیں اس بات سے کوئی فرق نہیں پڑتا کہ اقرار کتنی شادیاں کرتے ہیں. وہ شوہر کی خوشی میں خوش ہیں.
اقرار الحسن کا کہنا تھا کہ قرۃ نہ صرف ان کی پہلی بیوی ہیں بلکہ ان کے بیٹے کی ماں ہیں اس کے علاوہ قرۃ کا مزاج ایسا ہے کہ وہ ساس، نند، دیور اور دیورانی کے ساتھ رہتی ہیں اور آج تک کسی سے کوئی مسئلہ نہیں ہوا.
اقرار نے بتایا کہ ان کی بہن کی شادی قرۃ نے ماں کی طرح کی جبکہ دیور کو بھی بیٹا سمجھا. اقرار کے دوست قرۃ کو ٹھکرائن کہتے ہیں کیونکہ گھر کا پورا نظام ان کے ہاتھ میں ہے. اقرار کہتے ہیں کہ دل کے کئی حصے ہوتے ہیں لیکن ان کا پورا دل قرۃ کے پاس ہے.