مشہور جوڑی آغا علی اور حنا الطاف کے درمیان علیحدگی کی خبریں گزشتہ ڈیڑھ برس سے وائرل ہیں. حال ہی میں آغا علی نے ایسا بیان دیا ہے جس سے یہ بات مزید واضح ہوجاتی ہے کہ یہ دونوں اب ساتھ نہیں ہیں.
ایاز سامو کے پروگرام دی نائٹ شو میں انٹرویو دیتے ہوئے آغا علی نے انکشاف کیا کہ اب میں گھر میں اکیلا رہتا ہوں اس لیے گھر کے کاموں کے لیے کوئی ملازم نہیں رکھتا.
آغا علی نے اپنی بات جاری رکھتے ہوئے بتایا کہ میں گھر میں اکیلا رہتا ہوں اور 10 سے 12 گھنٹے کام کے لیے باہر جانا پڑتا ہے تو ملازم کے لئے الگ سے وقت نکالنا ممکن نہیں ہے. اکثر ایسا ہوتا تھا کہ گھر میں ملازم کام کررہے ہوتے ہیں اور ان کی وجہ سے مجھے شوٹنگ پر جانے میں دیر ہوجاتی تھی.
"میرا سب سے اچھا دوست کینیڈین ہے. جب وہاں کے لوگوں کے وی لاگز دیکھتا ہوں تو وہ اپنے گھر کے سارے کام خود کرتے ہیں. اس لئے اب میں بھی یہی کرتا ہوں. 3 برس سے میرے گھر میں کپڑے دھونے، کھانا پکانے یا کسی دوسرے کام کے لیے کوئی ملازم نہیں ہے، میری کونسی چیز کہاں رکھی ہے اس کے بارے میں مجھے پتا ہوتا ہے کیونکہ میں گھر کے سارے کام خود کرتا ہوں".
اس سے پہلے حنا الطاف کے ساتھ بھی آغا علی یہ بات کہہ چکے تھے کہ وہ دونوں گھر کے سارے کام خود کرتے ہیں. البتہ حالیہ بیان میں اکیلے رہنے کی بات نے آغا اور حنا کے درمیان علیحدگی کے متعلق مداحوں کے شک کو یقین میں بدل دیا ہے.