انٹر سروسز پبلک ریلیشنز (آئی ایس پی آر) نے بابائے قوم قائداعظم محمد علی جناح کے یومِ پیدائش کے موقع پر نیا ملی نغمہ ”پیغامِ قائد“ جاری کر دیا۔
آئی ایس پی آر کے مطابق یہ نغمہ قائداعظم کے فرمودات پر مبنی ہے اور قیامِ پاکستان کے لیے دی گئی عظیم قربانیوں اور تاریخی جدوجہد کو اجاگر کرتا ہے۔ نغمے میں قومی عزم، استقامت اور دشمن سازشوں کے مقابلے میں پاکستانی قوم کے پختہ ارادے کو نمایاں کیا گیا ہے۔
ملی نغمہ قائداعظم کی قیادت، بصیرت اور اصولوں کو خراجِ تحسین پیش کرتا ہے، جبکہ ان کے افکار سے وابستگی کے عزم کی تجدید اور پاکستان کے محفوظ اور باوقار مستقبل کا وژن بھی پیش کرتا ہے۔
آئی ایس پی آر کا کہنا ہے کہ یومِ قائد پر جاری کیا گیا یہ نغمہ قوم کی جانب سے بابائے قوم کے ساتھ گہری محبت اور عقیدت کی عکاسی کرتا ہے۔