ماچس بظاہر سستی سی چیز ہے لیکن اکثر ایسا ہوتا ہے کہ گھر میں کوئی بچہ یا مرد نہیں ہوتا اور ماچس نہ ملے تو بڑی مصیبت ہوجاتی ہے. اسی لئے آج ہم آپ کو ماچس کی ایک چھوٹی مگر کام کی ٹپ بتانے جارہے ہیں.
ماچس کی ڈبیا میں چٹکی بھر کچے چاول ڈال دیں. اس طرح ڈبیا میں نمی نہیں آئے گی اور ہلکی پھلکی نمی کو بھی چاول جذب کرلے گا جس سے ماچس کی تیلیاں خراب ہونے سے بچ جائیں گی. تیلیاں ختم ہوتے ہی چاول نئی ڈبیا میں ڈال دیں.
سردی میں کپڑے سکھانا ایک مشکل مرحلہ ہوتا ہے کیونکہ دھوپ زیادہ نہیں آتی. اگر آپ کو فوری طور پر کوئی کپڑا سکھانا ہے تو اسے اچھی طرح نچوڑ لیں اور پھر کھانا پکاتے ہوئے دیگچی کے بند ڈھکن پر رکھ دیں. گرمی سے کپڑا جلدی سوکھ جائے گا.
اکثر لوشن کی بوتل کا پمپ خراب ہوجاتا ہے جس کی وجہ سے لوگ پھر اسے استعمال ہی نہیں کرتے. اس پمپ پر کوئی بھی عام سا ربر بینڈ اچھی طرح چڑھا دیں اور استعمال کریں.