اے سی کے بغیر گھر کو ٹھنڈا رکھنے کا انتہائی آسان طریقہ تو اب گھر ٹھنڈا کریں ان آسان طریقوں سے اور شدید گرمی سے پائیں چھٹکارا

گرمی کا موسم کسی بڑی آزمائش سے کم نہیں ہوتا کیونکہ کب کس وقت ہیٹ ویو کا خدشہ بڑھ جائے اس کا بھی علم نہیں ہوتا اور ایسے حالات میں کہ لوڈ شیڈنگ جان نہ چھوڑے تو جینا محال ہوجاتا ہے۔

ان حالات میں اگر اے سی کی سہولت ہے تو گزارہ آسان لیکن اگر نہیں ہے تو ہر لمحہ آگ جیسا گزرتا معلوم ہوتا ہے۔

اگر آپ بھی گرمی سے ہوگئے ہیں بے حال اے سی نہیں ہے فی الحال تو پریشان نہ ہوں کیونکہ ہم بتا رہے ہیں آپ کو گرمی میں اے سی جیسی ٹھنڈ پانے کے مفید نسخے؟

تو چلیں جانتے ہیں وہ کون سی عام باتیں ہیں جو کہ گرمی میں آپ کے لیے کسی ٹھنڈے تحفے سے کم نہیں۔

 گھر میں ہلکے رنگ کے پردوں اور ہلکی بیڈ شیٹس کا استعمال کریں اور گہرے رنگوں سے اجتناب کریں۔ تاکہ گرمی زیادہ نہ لگے۔

 کمروں کے دروازے اور کھڑکیاں نیم بند رکھیں تاکہ روشنی بھی آئے اور کچھ ہوا بھی لگے۔

 گھروں میں ہلکے رنگ یا نیلا رنگ کروائیں دیواروں پر کیونکہ تحقیق کے مطابق نیلا رنگ ٹھنڈک فراہم کرتا ہے اور گرمی میں ریلیف پہنچاتا ہے

 وقتی طور پر آپ لان یا کاٹن کے پردوں کا استعمال کرسکتے ہیں کہ پردوں کو گیلا کرکے یا پانی کا سپرے کرکے لگائیں تاکہ کچھ ٹھنڈ مل سکے۔

 پانی کی کمی سے بچیں اور جیسا بھی پانی میسر ہو ٹھنڈا ہو یا گرم آپ لازمی پئیں تاکہ ڈی ہائیڈریشن سے خود کو بچاسکیں۔

 ایگزاسٹ فین کچن میں لگالیں تاکہ پکاتے وقت گرمائش یا بھاپ باہر نکل جائے۔

 پانی کی زیادہ سے زیادہ بوتلوں کو فریج میں بھر کر رکھیں تاکہ پی بھی سکیں اور باہر سے جیسے ہی آئیں ان ٹھنڈی بوتلوں کو کسی چھوٹے سے فین کے سامنے رکھ کر پنکھے کو چلا دیں تاکہ مصنوعی اے سی کی ٹھنڈی ہوا جیسی ہوا آپ کو مل سکے۔

 کپڑوں کو روز بدلیں اور کوشش کریں کہ ہلکے کپڑے گرمیوں میں پہنیں تاکہ کچھ بچت ہوسکے۔

 اضافی کمروں کے دروازوں کو بند رکھیں تاکہ روشن دانوں سے جو بھی ہوا آئے وہ آپ کے استعمال میں آنے والے کمروں میں زیادہ محسوس کی جاسکے۔

 پودینے کی چائے ہر وقت بنا کر رکھیں اور اس کو پی بھی لیں اور نہانے سے قبل اس کا سپرے کرلیں تاکہ جب نہائیں تو پودینے کا مینتھول آپ کو ٹھنڈک دے

سکے۔  کوشش کریں کہ ٹھنڈے کھانے استعمال کریں یا پھر فروزن کھانے تاکہ گرمی میں پکانے سے بچیں۔

 بچوں کو دن میں دو بار

ضرور نہلائیں۔  ٹھنڈے مشروبات کا زیادہ سے زیادہ استعمال کریں۔

 لیموں کا رس نکال کر رکھ لیں، جب بھی پیاس ہو وہی پی لیں۔

 پھلوں کو زیادہ استعمال کریں تاکہ کھانے کی بھوک بھی زیادہ نہ محسوس ہو۔

 بستر پر بچھائی جانے والی چادروں کو کسی پلاسٹک میں رکھ کر فریج میں ٹھنڈی کرنے کے لیے رکھ دیں اور رات کو سونے سے قبل ان کو بستروں پر بچھا لیں تاکہ آپ کو اے سی جیسا ٹھنڈک والا بستر مل سکے۔

 کپڑوں کو ہر گز گیلا نہ کریں اس سے آپ کو نقصان ہوسکتا ہے

 ہر کھانے کے ساتھ ہرا دھنیا اور پودینے کا استعمال بڑھا دیں۔

 گنے کا رس دستیاب ہو سکے تو وہ لازمی پئیں۔

 چینی والے کھانوں کو کم سے کم پکائیں۔ کیونکہ چینی گرم ہونے پر گرمی کا احساس بڑھا دیتی ہے۔

 آئس کیوبز کو ہاتھوں اور گردن پر پھیریں تاکہ گرمی دانوں سے بھی بچ سکیں۔۔

YOU MAY ALSO LIKE :

Ghar Ko Thanda Karne Ka Tarika

Ghar Ko Thanda Karne Ka Tarika - Read the best tips, tricks & totkay of Tips And Tricks. These tips and tricks are specially developed to cater your needs of Tips And Tricks. Now, you do not have to visit multiple websites to be aware about the totkay related to Tips And Tricks. So, just read the informative content on Ghar Ko Thanda Karne Ka Tarika. These tips and tricks will surely play a great role in enhancing your beauty.